Shaǵyn sý elektr stantsiiasy aýdannyń tórtten bir bóligin elektr qýatymen qamtýda
Áleýmettik mańyzy bar jobanyń qýattylyǵy 2 500 kVt. Kásiporyn búgingi tańda aýdannyń tórtten bir bóligin elektr qýatymen qamtyp otyr. «AK-SÝ KÝAT» JShS 1,2 mlrd teńge qarajat jumsaǵan joba aýdandaǵy Sairamsý ózeniń boiynda ornalasqan. Shaǵyn gidro elektr stantsiiasynda 12 adam turaqty jumyspen qamtylǵan.
«Keńes -1» Shaǵyn sý elektr stantsiiasynyń qurylysy 2015 jyly bastalyp, 2016 jyly aiaqtaldy. Tolyq 2019 jyly iske qosyldy. Sý elektr stantsiiasy Sairamsý ózeninen keletin aǵyn sýdyń qysymyn energiiaǵa ainaldyrady. Sý beketi ǵimaratynyń ishinde 1 250kVt energiia óndiretin 2 generatory bar gidrotýrbinalar ornatylǵan.
– GES-tiń jumys isteý printsipi óte qarapaiym. Gidrotehnikalyq tizbek qurylystardy qajetti sý qysymyn gidro-týrbinalyq qalaqshalaryna túsirip, qoldanystaǵy generatorlarǵa kelip elektr energiiasyn shyǵarýdy qamtamasyz etedi. Sairam sý ózeniniń aǵysy qatty bolǵandyqtan, elektr stantsiiasyn ashý maqsatynda Qasqasý óńirin tańdadyq, – deidi mekeme basshysy Ermek Sarbasov.
