شاعىن سۋ ەلەكتر ستانتسيياسى اۋداننىڭ تٶرتتەن بٸر بٶلٸگٸن ەلەكتر قۋاتىمەن قامتۋدا
ەلەۋمەتتٸك ماڭىزى بار جوبانىڭ قۋاتتىلىعى 2 500 كۆت. كەسٸپورىن بٷگٸنگٸ تاڭدا اۋداننىڭ تٶرتتەن بٸر بٶلٸگٸن ەلەكتر قۋاتىمەن قامتىپ وتىر. «اك-سۋ كۋات» جشس 1,2 ملرد تەڭگە قاراجات جۇمساعان جوبا اۋدانداعى سايرامسۋ ٶزەنٸڭ بويىندا ورنالاسقان. شاعىن گيدرو ەلەكتر ستانتسيياسىندا 12 ادام تۇراقتى جۇمىسپەن قامتىلعان.
«كەڭەس -1» شاعىن سۋ ەلەكتر ستانتسيياسىنىڭ قۇرىلىسى 2015 جىلى باستالىپ, 2016 جىلى اياقتالدى. تولىق 2019 جىلى ٸسكە قوسىلدى. سۋ ەلەكتر ستانتسيياسى سايرامسۋ ٶزەنٸنەن كەلەتٸن اعىن سۋدىڭ قىسىمىن ەنەرگيياعا اينالدىرادى. سۋ بەكەتٸ عيماراتىنىڭ ٸشٸندە 1 250كۆت ەنەرگييا ٶندٸرەتٸن 2 گەنەراتورى بار گيدروتۋربينالار ورناتىلعان.
– گەس-تٸڭ جۇمىس ٸستەۋ پرينتسيپٸ ٶتە قاراپايىم. گيدروتەحنيكالىق تٸزبەك قۇرىلىستاردى قاجەتتٸ سۋ قىسىمىن گيدرو-تۋربينالىق قالاقشالارىنا تٷسٸرٸپ, قولدانىستاعى گەنەراتورلارعا كەلٸپ ەلەكتر ەنەرگيياسىن شىعارۋدى قامتاماسىز ەتەدٸ. سايرام سۋ ٶزەنٸنٸڭ اعىسى قاتتى بولعاندىقتان, ەلەكتر ستانتسيياسىن اشۋ ماقساتىندا قاسقاسۋ ٶڭٸرٸن تاڭدادىق, – دەيدٸ مەكەمە باسشىسى ەرمەك سارباسوۆ.
