Jetisý oblysy prokýratýrasynyń bastamasymen Qazaqstan aýmaǵynda jol qozǵalysy erejesin buzǵan sheteldik nómirli kólik júrgizýshilerin ákimshilik jaýapkershilikke tartýdyń jańa tetigi engizildi, dep habarlaidy dalanews.kz.
Buǵan deiin sheteldik kólikterdiń ielerin anyqtap, olarǵa aiyppul týraly nusqaý berý qiyn bolatyn. Sonyń saldarynan kóptegen júrgizýshi jaýapkershilikten jaltaryp, el aýmaǵynan shyǵyp ketip júrgen.
Osy máseleni sheshý úshin oblys prokýratýrasy múddeli memlekettik organdarmen birlesip, aqparat almasý júiesin jolǵa qoiyp, ózara is-qimyldyń biryńǵai tártibin engizgen.
Endi jol erejesin buzý deregi tirkelgennen keiin kólik iesi anyqtalyp, oǵan aiyppul týraly nusqaý rásimdeledi. Al júrgizýshi Qazaqstannyń memlekettik shekarasynan qaita ótken kezde bul qujat ózine tabystalady. Aiyppul tólenbese, politsiia qyzmetkerleri ony óndirip alý sharalaryn qabyldaidy.
Jańa tetik iske qosylǵaly beri sheteldik nómirli 400-den asa kólik iesi jyldamdyqty asyrǵany úshin ákimshilik jaýapkershilikke tartylǵan. Salynǵan aiyppuldardyń jalpy somasy 28 million teńgege jetti. Qazirge deiin 33 kólik iesinen 1 million teńgeden asa aiyppul óndirilgen.
