جەتٸسۋ وبلىسى پروكۋراتۋراسىنىڭ باستاماسىمەن قازاقستان اۋماعىندا جول قوزعالىسى ەرەجەسٸن بۇزعان شەتەلدٸك نٶمٸرلٸ كٶلٸك جٷرگٸزۋشٸلەرٸن ەكٸمشٸلٸك جاۋاپكەرشٸلٸككە تارتۋدىڭ جاڭا تەتٸگٸ ەنگٸزٸلدٸ, دەپ حابارلايدى dalanews.kz.
بۇعان دەيٸن شەتەلدٸك كٶلٸكتەردٸڭ يەلەرٸن انىقتاپ, ولارعا ايىپپۇل تۋرالى نۇسقاۋ بەرۋ قيىن بولاتىن. سونىڭ سالدارىنان كٶپتەگەن جٷرگٸزۋشٸ جاۋاپكەرشٸلٸكتەن جالتارىپ, ەل اۋماعىنان شىعىپ كەتٸپ جٷرگەن.
وسى مەسەلەنٸ شەشۋ ٷشٸن وبلىس پروكۋراتۋراسى مٷددەلٸ مەملەكەتتٸك ورگاندارمەن بٸرلەسٸپ, اقپارات الماسۋ جٷيەسٸن جولعا قويىپ, ٶزارا ٸس-قيمىلدىڭ بٸرىڭعاي تەرتٸبٸن ەنگٸزگەن.
ەندٸ جول ەرەجەسٸن بۇزۋ دەرەگٸ تٸركەلگەننەن كەيٸن كٶلٸك يەسٸ انىقتالىپ, وعان ايىپپۇل تۋرالى نۇسقاۋ رەسٸمدەلەدٸ. ال جٷرگٸزۋشٸ قازاقستاننىڭ مەملەكەتتٸك شەكاراسىنان قايتا ٶتكەن كەزدە بۇل قۇجات ٶزٸنە تابىستالادى. ايىپپۇل تٶلەنبەسە, پوليتسييا قىزمەتكەرلەرٸ ونى ٶندٸرٸپ الۋ شارالارىن قابىلدايدى.
جاڭا تەتٸك ٸسكە قوسىلعالى بەرٸ شەتەلدٸك نٶمٸرلٸ 400-دەن اسا كٶلٸك يەسٸ جىلدامدىقتى اسىرعانى ٷشٸن ەكٸمشٸلٸك جاۋاپكەرشٸلٸككە تارتىلعان. سالىنعان ايىپپۇلداردىڭ جالپى سوماسى 28 ميلليون تەڭگەگە جەتتٸ. قازٸرگە دەيٸن 33 كٶلٸك يەسٸنەن 1 ميلليون تەڭگەدەن اسا ايىپپۇل ٶندٸرٸلگەن.
