Almaty oblysynan sailanǵan senat depýtaty Janbolat Jórgenbaev jaqynda qamaýǵa alynǵan Hasan Qasymbaevpen týys ekenin rastady, - dep habarlaidy Dalanews.kz Tengrinews.kz-ke siltep.
Buǵan deiin derekkózder senat depýtaty Janbolat Jórgenbaev hýtorlyq Hasan Qasymbaevtyń týysy ekenin habarlaǵan bolatyn.
"Bizdiń derekkózderimizdiń málimetinshe, Almaty oblysynan sailanǵan senator Janbolat Jórgenbaev qamaýǵa alynǵan Hasannyń aǵasy. Olardyń anasy - týǵan apaly-sińli.
Qazirgi tańda tergeý barysynda onyń bul jaǵdaiǵa qanshalyq áser etkeni tekserilip jatyr. Ol Talǵar apparatynyń basshysyn - Hasannyń aǵasyn atyshýly oqiǵadan keiin jumystan qýmaýyn suraǵan degen aqparat bar", - delingen derekkóz habarlamasynda.
"Iá, men áleýmettik jelidegi jazbalardy kórdim. Ol aqparatqa sensek men Qasymbaevtarǵa qatysty Talǵarda bolǵan jaǵdaiǵa áser etippin.
Aslan Qasymbaevtyń qyzmetine qatysty eshkimge eshqandai ótinish aitpaǵanymdy resmi túrde málimdeimin. Onyń ústine Hasan Qasymbaevqa qatysty júrip jatqan tergeýge de eshqandai áser etken joqpyn", - deidi Jórgenbaev.
Depýtat Qasymbaevpen alys týys ekenin aitty.
"Týys ekenimizge qatysty: iá, ol meniń alys týysym ekenin rastaimyn. Qazaqta týys kóp qoi. Biraq únemi bailanysta júrdik dep aita almaimyn. Ary ketse toilarda nemese týystar jinalyp qalatyn jerleý siiaqty rásimderde kezdesip qalatynbyz", deidi depýtat.
Eske salaiyq,Hasan Qasymbaevtyń ózi eki aiǵa qamaýǵa alynǵan bolatyn.
Keiin politsiia málimdeme jasap, Hasan Qasymbaevtyń ustalýy - Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol azamat A.-ny urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyldyń maýsymynda bolǵan.
"Qazirgi ýaqytta qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý áreketteriniń kesheni júrgizilip jatyr. Is materialdary bultartpaý sharasyn sanktsiialaý úshin sotqa jiberildi", - dedi buǵan deiin Almaty oblystyq PD ókilderi.
