D.Ádilbekovtiń pikirinshe, jyldyq 6%-ǵa deiingi paiyzdyq mólsherlemeni memlekettik sýbsidiialaý túrinde shaǵyn jáne orta biznesti memlekettik qoldaýdyń qabyldanǵan sharasy tek ekonomikanyń zardap shekken salalarymen shektelgendikten ShOB-ty nesieleýdiń ósýin qamtamasyz ete almaitynyn ashyp aitty.
Qazaqstan qarjygerleri qaýymdastyǵy basshysynyń aqparaty boiynsha, tótenshe jaǵdai kezinde nesielik tólem mindettemeleri ShOB-tyń 1 paiyzyna ǵana keiinge qaldyrǵanyn atap ótý kerek.
Senator Premerge joldaǵan depýtattyq saýalynda: «Osylaisha, bank sektorynyń ShOB-ty nesielendirýge is júzinde qatyspaityny týraly qorytyndy jasaýǵa bolady. Sýbsidiialanǵan paiyzdyq mólsherlememen jeńildetilgen nesie beretin jeke bankter ShOB-qa nesie berýge múddeli emes» deidi.
Sonymen qatar, depýtat memlekettik satyp alýdy júzege asyrý tetikterindegi olqylyqtar týraly habarlady.
– Memlekettik satyp alýlardy júzege asyrý tájiribesi «turaqty jeńimpazdardyń» bar ekendigin kórsetedi, olarmen kelisimsharttar jasalady. Máselen, ýákiletti organnyń derekteri boiynsha 2018 jyly 49 myń jetkizýshi konkýrstardy bes retten artyq utyp alǵan, – dep málimdedi D.Ádilbekov.
Qorytyndylai kele, Senat depýtaty qoldanystaǵy zańnamada ákimdikterdiń bos aýyl sharýashylyǵy jer ýchaskelerin konkýrstarǵa shyǵarýyna qatysty súienetin normalardyń joqtyǵyn aitty. Iaǵni, ákimdikter qandai bos jer telimi jáne onyń qashan konkýrsqa shyǵarylatynyn ózderi sheshedi.
