Senat "LGBT propagandasyna" tyiym salýdy qarastyrýdy kún tártibinen alyp tastady. Normalar qaralýǵa bir saǵat qalǵanda kún tártibinen alynyp tastaldy, dep habarlaidy Dalanews.kz.
Qazaqstan Senaty 4 jeltoqsanǵa taǵaiyndalǵan otyrys kún tártibinen «LGBT propagandasyna» tyiym salýdy kózdeitin túzetýlerdi alyp tastady.
Bul normalar «Qazaqstan Respýblikasynyń keibir zańnamalyq aktilerine arhiv isi jáne quqyqqa qarsy kontentti taratýdy shekteý máseleleri boiynsha ózgerister men tolyqtyrýlar engizý týraly» zań jobasynda qamtylǵan bolatyn.
Bastapqyda qujat plenarlyq otyrysta saǵat 10.00-de qaralýy josparlanǵan, alaida jańartylǵan kún tártibinde ol kórinbeidi.
Senattyń baspasóz qyzmeti 4 jeltoqsanǵa arnalǵan naqty kún tártibin BAQ ókilderine joldady. Onda tek eki másele kórsetilgen:
«Qazaqstan Respýblikasynyń "Tabiǵi resýrstar jáne olardy paidalaný týraly" Kodeksine kómirsýtekter men ýran salasyndaǵy tabiǵi resýrstardy paidalanýdy jetildirý boiynsha ózgerister men tolyqtyrýlar engizý» (birinshi oqylym).
«Qazaqstan Respýblikasynyń keibir zańnamalyq aktilerine ákimshilik ádilet, normotvorchestvo jáne quqyqtyq kómek kórsetý máseleleri boiynsha ózgerister men tolyqtyrýlar engizý» (birinshi oqylym).
Kún tártibinde «LGBT propagandasyna» tyiym salýdy kózdeitin túzetýler joq.
