سەنات "لگبت پروپاگانداسىنا" تىيىم سالۋدى قاراستىرۋدى كۇن تارتىبىنەن الىپ تاستادى. نورمالار قارالۋعا ءبىر ساعات قالعاندا كۇن تارتىبىنەن الىنىپ تاستالدى، دەپ حابارلايدى Dalanews.kz.

قازاقستان سەناتى 4 جەلتوقسانعا تاعايىندالعان وتىرىس كۇن تارتىبىنەن «لگبت پروپاگانداسىنا» تىيىم سالۋدى كوزدەيتىن تۇزەتۋلەردى الىپ تاستادى.

بۇل نورمالار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ارحيۆ ءىسى جانە قۇقىققا قارسى كونتەنتتى تاراتۋدى شەكتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا قامتىلعان بولاتىن.

باستاپقىدا قۇجات پلەنارلىق وتىرىستا ساعات 10.00-دە قارالۋى جوسپارلانعان، الايدا جاڭارتىلعان كۇن تارتىبىندە ول كورىنبەيدى.

سەناتتىڭ باسپا ءسوز قىزمەتى 4 جەلتوقسانعا ارنالعان ناقتى كۇن ءتارتىبىن ب ا ق وكىلدەرىنە جولدادى. وندا تەك ەكى ماسەلە كورسەتىلگەن:

«قازاقستان رەسپۋبليكاسىنىڭ "تابيعي رەسۋرستار جانە ولاردى پايدالانۋ تۋرالى" كودەكسىنە كومىرسۋتەكتەر مەن ۋران سالاسىنداعى تابيعي رەسۋرستاردى پايدالانۋدى جەتىلدىرۋ بويىنشا وزگەرىستەر مەن تولىقتىرۋلار ەنگىزۋ» (ءبىرىنشى وقىلىم).

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە اكىمشىلىك ادىلەت، نورموتۆورچەستۆو جانە قۇقىقتىق كومەك كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ» (ءبىرىنشى وقىلىم).

كۇن تارتىبىندە «لگبت پروپاگانداسىنا» تىيىم سالۋدى كوزدەيتىن تۇزەتۋلەر جوق.