Сенат "ЛГБТ пропагандасына" тыйым салуды қарастыруды күн тәртібінен алып тастады. Нормалар қаралуға бір сағат қалғанда күн тәртібінен алынып тасталды, деп хабарлайды Dalanews.kz.

Қазақстан Сенаты 4 желтоқсанға тағайындалған отырыс күн тәртібінен «ЛГБТ пропагандасына» тыйым салуды көздейтін түзетулерді алып тастады.

Бұл нормалар «Қазақстан Республикасының кейбір заңнамалық актілеріне архив ісі және құқыққа қарсы контентті таратуды шектеу мәселелері бойынша өзгерістер мен толықтырулар енгізу туралы» заң жобасында қамтылған болатын.

Бастапқыда құжат пленарлық отырыста сағат 10.00-де қаралуы жоспарланған, алайда жаңартылған күн тәртібінде ол көрінбейді.

Сенаттың баспасөз қызметі 4 желтоқсанға арналған нақты күн тәртібін БАҚ өкілдеріне жолдады. Онда тек екі мәселе көрсетілген:

«Қазақстан Республикасының "Табиғи ресурстар және оларды пайдалану туралы" Кодексіне көмірсутектер мен уран саласындағы табиғи ресурстарды пайдалануды жетілдіру бойынша өзгерістер мен толықтырулар енгізу» (бірінші оқылым).

«Қазақстан Республикасының кейбір заңнамалық актілеріне әкімшілік әділет, нормотворчество және құқықтық көмек көрсету мәселелері бойынша өзгерістер мен толықтырулар енгізу» (бірінші оқылым).

Күн тәртібінде «ЛГБТ пропагандасына» тыйым салуды көздейтін түзетулер жоқ.