Ol Túrkistan qalasynyń otandyq týrizm salasyndaǵy róline nazar aýdaryp, osy baǵytta maman daiarlaityn bilim ordasynyń mańyzy zor ekenin aitty. Degenmen, depýtat Elbasynyń bastamasymen jáne Memleket basshysynyń tapsyrmasymen ashylǵan ýniversitet ǵimarattarynyń áli kúnge deiin jabdyqtalmaǵanyna qynjylysyn bildirdi.
– Ázirge bul daý-damaidan pandemiia qutqaryp tur deýge bolady. Sebebi, stýdentter indetke bailanysty qashyqtan bilim alyp jatyr. Qazir Bilim jáne ǵylym ministrligi dástúrli bilim alýǵa kóshý máselesin qozǵap jatqany belgili. Mundai jaǵdaida bul ýniversitettiń stýdentteri ne isteidi?, – dedi senator.
Depýtattyń aitýynsha, Túrkistan oblysynyń ákimdigi oqý ornyna arnaiy 4 ǵimarat bólgen. Onyń ekeýi jańa bolsa, ekeýi jóndeýden ótkizilgen burynǵy nysandar. Sondai-aq, qazirgi tańda atalǵan bilim oshaǵynda 588 azamat 6 baǵyt boiynsha bilim alyp jatqanyn atap ótken jón.
Osy máseleni ońtaily sheshý úshin senator tiisti qarajat bólýdi surady.
– Qazir Halyqaralyq týrizm jáne meimandostyq ýniversiteti tolyq jumys istep turǵan joq. Oqý úderisi tek birinshi kýrsta ǵana júrgizilip jatyr. Sony eskere otyryp, 4 negizgi ǵimarattyń bireýin jabdyqtaýǵa qajetti 577 million teńgeni 2021 jyldyń biýdjetinde qarastyrýdy suraimyz, – dedi Álimjan Qurtaev.
Sonymen qatar depýtattyq saýalda qazaqtyń dańqty palýany Qajymuqan Muńaitpasulynyń 150 jyldyq mereitoiyna orai salynýǵa tiis memorialdyq keshen qurylysyna da qarjy bólinbegeni aityldy.
– Mereitoiǵa orai Túrkistan oblysy, Ordabasy aýdanynda Qajymuqan Muńaitpasulynyń atyna memorialdyq keshen salý josparlanǵan. Nysannyń qurylys jumystary biylǵy qarasha aiynda bastalyp, keshen 2021 jyldyń qazan aiynda paidalanýǵa berilýi kerek edi. Alaida, qurylys jumystaryn bastaý úshin tiisti qarajat qarastyrylmaǵan», – degen Senat depýtaty kelesi jyldyń biýdjetinde osy máseleni de eskerýdi surady.
Saýalǵa Álimjan Qurtaevpen birge senator Áli Bektaev qol qoiǵan.
