Joba óńirlerde shahmat sportyn damytý maqsatynda qolǵa alynǵan. Semei – osyǵan deiin Kókshetaý, Petropavl, Qostanai, Qaraǵandy, Pavlodardy aralap shyqqan kerýen jolyndaǵy altynshy qala.
Tańerteń saǵat 10.00-de ákimdik aldyndaǵy ortalyq alańda kerýenniń kelýine arnalǵan saltanatty shara boldy.
– Bul – táýelsiz Qazaqstan tarihynda buryn-sońdy bolmaǵan oqiǵa. Biz alǵashqylardyń biri bop Uly Jibek jolyn jalǵastyrdyq. 14 myń shaqyrymdai sapar shegip, ár oblys ortalyǵyn aralaimyz.
Shahmattan jetken jetistikterimiz halyqaralyq arenada úlken tanymaldylyqqa ie bop kele jatyr. Endi aimaqtardyń qoldaýyn sezingimiz keledi.
Ulttyń ziiatkerlik áleýetin damytý úderisine tek shahmatshylar ǵana emes, barsha jurtshylyq, kásipkerler men jergilikti atqarýshy bilik ókilderi atsalyssa eken deimiz. Shahmat qarapaiym sport túri ǵana emes. Mysaly, ony mektepte oqytý arqyly biz balalarymyzdyń damýyna qosymsha serpin beremiz, – dedi saltanatty sharada Qazaqstan shahmat federatsiiasynyń vitse-prezidenti Aleksandr Babenko.
Kerýenniń kelýi aiasynda Abai oblysynda Qazaqstan shahmat federatsiiasynyń filialy ashyldy. Onyń tóraǵasy bolyp Semei qalasynyń ákimi Nurbol Nursaǵatov taǵaiyndaldy.
Alańda qurylǵan mobildi kiiz úide shahmat týrniri men grossmeistermen bir rettik oiyn seansy boldy. Tóreshilerdiń sheshimimen I oryndy Arlan Abýzýarov ielense, II oryn Farhad Mansurovqa, III oryn Aqylbek Jaqsylyqqa buiyrdy. Úsh jeńimpaz da Túrkistanda ótetin grand-finalǵa joldama aldy.
– Men bes jasymnan beri shahmat oinaimyn. Ony maǵan atam úiretken. Shahmat kúndelikti ómirde tez sheshim qabyldaýǵa jáne bárin erterek boljap otyrýǵa kómektesedi. Endi alda bolatyn finalǵa jaqsylap daiyndalyp, oblysymyzdyń namysyn qorǵaǵym keledi, – deidi týrnir jeńimpazy Arlan Abýzýarov.
