جوبا ٶڭٸرلەردە شاحمات سپورتىن دامىتۋ ماقساتىندا قولعا الىنعان. سەمەي – وسىعان دەيٸن كٶكشەتاۋ, پەتروپاۆل, قوستاناي, قاراعاندى, پاۆلوداردى ارالاپ شىققان كەرۋەن جولىنداعى التىنشى قالا.
تاڭەرتەڭ ساعات 10.00-دە ەكٸمدٸك الدىنداعى ورتالىق الاڭدا كەرۋەننٸڭ كەلۋٸنە ارنالعان سالتاناتتى شارا بولدى.
– بۇل – تەۋەلسٸز قازاقستان تاريحىندا بۇرىن-سوڭدى بولماعان وقيعا. بٸز العاشقىلاردىڭ بٸرٸ بوپ ۇلى جٸبەك جولىن جالعاستىردىق. 14 مىڭ شاقىرىمداي ساپار شەگٸپ, ەر وبلىس ورتالىعىن ارالايمىز.
شاحماتتان جەتكەن جەتٸستٸكتەرٸمٸز حالىقارالىق ارەنادا ٷلكەن تانىمالدىلىققا يە بوپ كەلە جاتىر. ەندٸ ايماقتاردىڭ قولداۋىن سەزٸنگٸمٸز كەلەدٸ.
ۇلتتىڭ زيياتكەرلٸك ەلەۋەتٸن دامىتۋ ٷدەرٸسٸنە تەك شاحماتشىلار عانا ەمەس, بارشا جۇرتشىلىق, كەسٸپكەرلەر مەن جەرگٸلٸكتٸ اتقارۋشى بيلٸك ٶكٸلدەرٸ اتسالىسسا ەكەن دەيمٸز. شاحمات قاراپايىم سپورت تٷرٸ عانا ەمەس. مىسالى, ونى مەكتەپتە وقىتۋ ارقىلى بٸز بالالارىمىزدىڭ دامۋىنا قوسىمشا سەرپٸن بەرەمٸز, – دەدٸ سالتاناتتى شارادا قازاقستان شاحمات فەدەراتسيياسىنىڭ ۆيتسە-پرەزيدەنتٸ الەكساندر بابەنكو.
كەرۋەننٸڭ كەلۋٸ اياسىندا اباي وبلىسىندا قازاقستان شاحمات فەدەراتسيياسىنىڭ فيليالى اشىلدى. ونىڭ تٶراعاسى بولىپ سەمەي قالاسىنىڭ ەكٸمٸ نۇربول نۇرساعاتوۆ تاعايىندالدى.
الاڭدا قۇرىلعان موبيلدٸ كيٸز ٷيدە شاحمات تۋرنيرٸ مەن گروسسمەيستەرمەن بٸر رەتتٸك ويىن سەانسى بولدى. تٶرەشٸلەردٸڭ شەشٸمٸمەن I ورىندى ارلان ابۋزۋاروۆ يەلەنسە, II ورىن فارحاد مانسۇروۆقا, III ورىن اقىلبەك جاقسىلىققا بۇيىردى. ٷش جەڭٸمپاز دا تٷركٸستاندا ٶتەتٸن گراند-فينالعا جولداما الدى.
– مەن بەس جاسىمنان بەرٸ شاحمات وينايمىن. ونى ماعان اتام ٷيرەتكەن. شاحمات كٷندەلٸكتٸ ٶمٸردە تەز شەشٸم قابىلداۋعا جەنە بەرٸن ەرتەرەك بولجاپ وتىرۋعا كٶمەكتەسەدٸ. ەندٸ الدا بولاتىن فينالعا جاقسىلاپ دايىندالىپ, وبلىسىمىزدىڭ نامىسىن قورعاعىم كەلەدٸ, – دەيدٸ تۋرنير جەڭٸمپازى ارلان ابۋزۋاروۆ.
