Semeide PISA halyqaralyq zertteýi ótti
3 jylda bir ret qaitalanatyn atalmysh halyqaralyq zertteý osydan 15 jyl buryn alǵash ret uiymdastyrylǵan bolatyn. Elimizde osymen úshinshi ret ótken PISA-ǵa Semei qalasyndaǵy Nazarbaev Ziiatkerlik mektebiniń jasy 15 ke tolǵan 9-11 synyptardan quralǵan 120 oqýshysy alǵash ret óz bilimderin synǵa saldy. Oqýshylar eki saǵat test tapsyryp, 35 minýt saýalnama toltyrdy. Tapsyrmalar sany jaratylystaný baǵyty boiynsha basym boldy. Oqýshylarǵa berilgen tapsyrmada syzba, diagramma, test, logikalyq suraqtar qamtyldy. Al, onyń qanshalyqty qiyn bolǵandyǵyn zertteý jumystaryna qatysqan 9 «A» synyp oqýshysy Erasyl Ermekov bylai deidi:
– Men PISA halyqaralyq zerteýine alǵashqy ret qatystym. Bul zertteý jumysyn abyroimen tapsyrý meniń boryshym boldy. Sebebi, osy arqyly bizdiń mekteptiń, ózimizdiń eń bastysy memlekettiń bilim deńgeiin aishyqtaidy. Meniń oiymsha, bizdiń ustazdar oqýshylardy PISA ǵa jaqsy daiyndyqpen jiberdi. Maǵan bul testileýde 51 suraq keldi. Bul rette men úshin bul suraqtar qatty qiyndyqqa túsken joq. Olarǵa durys jaýap berý úshin logika men bilim qajet. Bir qyzyqtysy keibir suraqtarǵa jaýap berý kezinde aldyńǵy suraqtarǵa oralý qajet boldy. Kóp mátindi suraqtar biraz qiynǵa soqqany ras. Sebeb, olardy tolyq oqyp shyǵý edáýir ýaqytty shyǵyndaidy.
Test kitapshalary jaýaptarymen birge AQSh-taǵy halyqaralyq uiymǵa jiberilip, qorytyndysy sol jaqta 2016 shyǵady dep kútilýde.
Baǵdat Amangeldi, Semei qalasy Nazarbaev Ziiatkerlik mektebiniń baspasóz hatshysy
