سەمەيدە PISA حالىقارالىق زەرتتەۋٸ ٶتتٸ
3 جىلدا بٸر رەت قايتالاناتىن اتالمىش حالىقارالىق زەرتتەۋ وسىدان 15 جىل بۇرىن العاش رەت ۇيىمداستىرىلعان بولاتىن. ەلٸمٸزدە وسىمەن ٷشٸنشٸ رەت ٶتكەن PISA-عا سەمەي قالاسىنداعى نازارباەۆ زيياتكەرلٸك مەكتەبٸنٸڭ جاسى 15 كە تولعان 9-11 سىنىپتاردان قۇرالعان 120 وقۋشىسى العاش رەت ٶز بٸلٸمدەرٸن سىنعا سالدى. وقۋشىلار ەكٸ ساعات تەست تاپسىرىپ, 35 مينۋت ساۋالناما تولتىردى. تاپسىرمالار سانى جاراتىلىستانۋ باعىتى بويىنشا باسىم بولدى. وقۋشىلارعا بەرٸلگەن تاپسىرمادا سىزبا, دياگرامما, تەست, لوگيكالىق سۇراقتار قامتىلدى. ال, ونىڭ قانشالىقتى قيىن بولعاندىعىن زەرتتەۋ جۇمىستارىنا قاتىسقان 9 «ا» سىنىپ وقۋشىسى ەراسىل ەرمەكوۆ بىلاي دەيدٸ:
– مەن PISA حالىقارالىق زەرتەۋٸنە العاشقى رەت قاتىستىم. بۇل زەرتتەۋ جۇمىسىن ابىرويمەن تاپسىرۋ مەنٸڭ بورىشىم بولدى. سەبەبٸ, وسى ارقىلى بٸزدٸڭ مەكتەپتٸڭ, ٶزٸمٸزدٸڭ ەڭ باستىسى مەملەكەتتٸڭ بٸلٸم دەڭگەيٸن ايشىقتايدى. مەنٸڭ ويىمشا, بٸزدٸڭ ۇستازدار وقۋشىلاردى PISA عا جاقسى دايىندىقپەن جٸبەردٸ. ماعان بۇل تەستٸلەۋدە 51 سۇراق كەلدٸ. بۇل رەتتە مەن ٷشٸن بۇل سۇراقتار قاتتى قيىندىققا تٷسكەن جوق. ولارعا دۇرىس جاۋاپ بەرۋ ٷشٸن لوگيكا مەن بٸلٸم قاجەت. بٸر قىزىقتىسى كەيبٸر سۇراقتارعا جاۋاپ بەرۋ كەزٸندە الدىڭعى سۇراقتارعا ورالۋ قاجەت بولدى. كٶپ مەتٸندٸ سۇراقتار بٸراز قيىنعا سوققانى راس. سەبەب, ولاردى تولىق وقىپ شىعۋ ەدەۋٸر ۋاقىتتى شىعىندايدى.
تەست كٸتاپشالارى جاۋاپتارىمەن بٸرگە اقش-تاعى حالىقارالىق ۇيىمعا جٸبەرٸلٸپ, قورىتىندىسى سول جاقتا 2016 شىعادى دەپ كٷتٸلۋدە.
باعدات امانگەلدٸ, سەمەي قالاسى نازارباەۆ زيياتكەرلٸك مەكتەبٸنٸڭ باسپاسٶز حاتشىسى
