Abaı oblysynyń ortalyǵy Semeı qalasynda jańa «Alem» sport kesheni ashyldy. Saltanatty sharaǵa Abaı oblysy ákiminiń birinshi orynbasary Shalqar Baıbekov, depýtattar, qoǵam qaıratkerleri men qala turǵyndary qatysty, – dep habarlaıdy Dalanews.kz Abaı oblysy ákiminiń baspasóz qyzmetine silteme jasap.

Sport keshenindegi úıirmelerdi qalanyń jáne oǵan jaqyn ornalasqan Nahalovka, Murat, Stepnoı eldi mekenderiniń 7 jastan 18 jasqa deıingi turǵyndary qatysýǵa múmkin aldy. Qazir munda 200-den astam jas sportshy jattyǵady.

Keshende kúrestiń barlyq túrimen, sonyń ishinde qazaqsha kúres, dzúdo jáne sambomen aınalysýǵa bolady. Sondaı-aq jas sportshylarǵa trenajerlarda jattyǵatyn sport zaly qarastyrylǵan.

Aıta ketsek, sport kesheni qalanyń sol jaǵalaýynda ornalasqan. Jattyǵý tegin júrgiziledi. Onyń jalpy aýdany 1000 sh.m. quraıdy.

Atalǵan sport keshenin qazaq kúresinen QR eńbek sińirgen sport sheberi, Eýrazıa Barysy, Álem barysy, Qazaqstan Barysy, «Amanat» partıasy Saıası keńesiniń múshesi, Abaı oblysy máslıhatynyń depýtaty Aıbek Nuǵymarov óńirde buqaralyq sportty damytý maqsatynda ashty.