Semeide jastardy kúreske baýlityn «Alem» sport kesheni ashyldy: 15 jeltoqsan 2023

Semeide jastardy kúreske baýlityn «Alem» sport kesheni ashyldy

Dalanews 15 jeltoqsan, 2023

Abai oblysynyń ortalyǵy Semei qalasynda jańa «Alem» sport kesheni ashyldy. Saltanatty sharaǵa Abai oblysy ákiminiń birinshi orynbasary Shalqar Baibekov, depýtattar, qoǵam qairatkerleri men qala turǵyndary qatysty, – dep habarlaidy Dalanews.kz Abai oblysy ákiminiń baspasóz qyzmetine silteme jasap.

Sport keshenindegi úiirmelerdi qalanyń jáne oǵan jaqyn ornalasqan Nahalovka, Murat, Stepnoi eldi mekenderiniń 7 jastan 18 jasqa deiingi turǵyndary qatysýǵa múmkin aldy. Qazir munda 200-den astam jas sportshy jattyǵady.

Keshende kúrestiń barlyq túrimen, sonyń ishinde qazaqsha kúres, dziýdo jáne sambomen ainalysýǵa bolady. Sondai-aq jas sportshylarǵa trenajerlarda jattyǵatyn sport zaly qarastyrylǵan.

Aita ketsek, sport kesheni qalanyń sol jaǵalaýynda ornalasqan. Jattyǵý tegin júrgiziledi. Onyń jalpy aýdany 1000 sh.m. quraidy.

Atalǵan sport keshenin qazaq kúresinen QR eńbek sińirgen sport sheberi, Eýraziia Barysy, Álem barysy, Qazaqstan Barysy, «Amanat» partiiasy Saiasi keńesiniń múshesi, Abai oblysy máslihatynyń depýtaty Aibek Nuǵymarov óńirde buqaralyq sportty damytý maqsatynda ashty.

Semeide jastardy kúreske baýlityn «Alem» sport kesheni ashyldy

Oqi otyryńyz

Ǵalymdar forýmy: Narynqoldan shyqqan daryndar óńirge ne beredi?

Almaty turǵyndaryna jaqsy jańalyq: úi mańyndaǵy aqyly turaqtardy tegin paidalaný múmkindigi berilýi múmkin

Jetisý oblysynda «Naiza-Antiterror-2026» respýblikalyq oqý-jattyǵýy ótýde