سپورت كەشەنىندەگى ۇيىرمەلەردى قالانىڭ جانە وعان جاقىن ورنالاسقان ناحالوۆكا، مۇرات، ستەپنوي ەلدى مەكەندەرىنىڭ 7 جاستان 18 جاسقا دەيىنگى تۇرعىندارى قاتىسۋعا مۇمكىن الدى. ءقازىر مۇندا 200-دەن استام جاس سپورتشى جاتتىعادى.
كەشەندە كۇرەستىڭ بارلىق تۇرىمەن، سونىڭ ىشىندە قازاقشا كۇرەس، دزيۋدو جانە سامبومەن اينالىسۋعا بولادى. سونداي-اق جاس سپورتشىلارعا ترەناجەرلاردا جاتتىعاتىن سپورت زالى قاراستىرىلعان.
ايتا كەتسەك، سپورت كەشەنى قالانىڭ سول جاعالاۋىندا ورنالاسقان. جاتتىعۋ تەگىن جۇرگىزىلەدى. ونىڭ جالپى اۋدانى 1000 ش.م. قۇرايدى.
اتالعان سپورت كەشەنىن قازاق كۇرەسىنەن ق ر ەڭبەك سىڭىرگەن سپورت شەبەرى، ەۋرازيا بارىسى، الەم بارىسى، قازاقستان بارىسى، «Amanat» پارتياسى ساياسي كەڭەسىنىڭ مۇشەسى، اباي وبلىسى ءماسليحاتىنىڭ دەپۋتاتى ايبەك نۇعىماروۆ وڭىردە بۇقارالىق سپورتتى دامىتۋ ماقساتىندا اشتى.
