Búgin Astanada qalasyndaǵy týraly Ortalyq Komýnıkasıalar qyzmetiniń baspasóz máslıhatynda jýrnalısermen kezdesken Abaı oblysy ákimi Nurlan Uranhaev Memleket basshysy Qasym-Jomart Toqaevtyń tapsyrmasyn iske asyrý aıasynda Semeı qalasyn damytýdyń Bas josparyn ázirleý jumystary júrgizilip jatqanyn málim etti, – dep habarlaıdy Dalanews.kz. 

Óńir basshysy Semeı qalasynyń tóńiregindegi 32 eldi mekendi derbes oblysqa biriktirý jumysy bastalyp, qyzý júzege asyp jatqanyn jetkizdi.

– 2023 jyly Semeı qalasyn abattandyryp, kógaldandyrý isine 3,5 mlrd teńge kóleminde qarajat bólindi. Búginde qaladaǵy 70 aýlany abattandyrý jumystary aıaqtalyp, 41 kópqabatty turǵyn úıdiń qasbetteri jóndelip, 9 turǵyn úıge qabyrǵa sýretteri salyndy, – dedi oblys ákimi.

Óz kezeginde Nurlan Uranhaev jýrnalıter qaýymna Semeı qalasyndaǵy Ertis ózeni arqyly ótetin jańa, tórt jolaqty, kópir qurylysy júrip jatqanyn tilshiler qaýymyna aıtty. Kópir qurylysy 2025 jyly aıaqtaý josparlanǵan.

Aspaly kópirdi japon mamandary teksergen. Aıta ketýimiz kerek, aspaly kópir astynda keńistikter paıdalanýǵa berildi.

Al Semeı qalasyndaǵy Jamaqaev jáne Máńgilik El kóshelerinde jaıaý júrginshiler joly men qoǵamdyq oryndar jasalyp, etnoaýyl salynýda. Jer asty ótkelderi jóndelip, jyly aıaldamalar ornatylǵan.

Ákim aldaǵy jyly Ertis ózeni arqyly jaıaý júrginshiler kópiri men Beıbitshilik aralyna balalar temirjolyn salý josparda bar ekenin jetkizdi.