30 myńǵa jýyq otandasymyzdyń teris dini aǵymnyń jetegine erip, elimizde emin-erkin júrgeni anyqtaldy. Olardyń 60 paiyzy qara kóz qazaqtar bolyp shyqty. Elimizdegi dintanýshylar osylai dep dabyl qaǵýda. Qazaqstanda tyiymsalynǵan halyqaralyq uiym ókilderine sonaý AQSh-tan túrli hattar jiberilip, birneshe mindetter júkteledi eken. Muhit asyp kelgen sálemdemelerdiń el turǵyndaryna qaýpi qandai? Dini aǵymǵa nelikten toqtaý salynbaidy?
Saentologiia – halyqaralyq uiymyna elimizde zań júzinde tyiym salynǵan. Alaida, olar áli de jasyryn túrde jumys istep keledi. Máselen, Jańa jyl qarsańynda olar úilerdiń myndai poshtajáshikterine arnaiy ádemi hattar qaldyrǵan. Ishin ashyp qarasańyz, saentologiia týrasynda búge-shúgesine deiin jazylypty. Maqsaty da aiqyn kórsetilgen. Tipti, hattyń ózi sonaý AQSh-tan, Los Andjeles qalasynan jiberilgen. Al Sizdál osy teris dini aǵymǵa ómir boiy múshe bolǵyńyz kelse shamamen – 625 myń teńge tóleýińiz shart.
Ómirindi ózgertemiz, potentsialyńdy ashamyz! Bul saentologtardyń halyqty arbaý úshin qoldanatyn negizgi psihologiialyq quraly. Qazir, bul aǵymǵa 90 jyldardaǵydai úi-úidi aralaýǵa, dindi ýaǵyzdaýǵa túbegeili tyiym salynǵan. Biraq, ábden mashyqtanǵan úgitteýshiler zańdy ainalyp ótýdiń túrli tetikterin oilap tapqan deidi dintanýshy.
– Qazir mynaý taralyp jatyrǵan saentologiiany qarasaq, kóptegen uiymnyń maqsaty adamdardyń qarjysyna ielik etý ǵoi. Negizin qalaǵan Rob Habberdtiń óziniń aitatyny bar, milloner bolǵyń kelse, din oilap tap degen. Sondyqtan adamdardyń psihikasyna áser etý maqsatynda, aqshany tabýdyń joldaryn qarastyrý, – ltql3 dintanýshy Keńshilik Tyshqan.
Statistikaǵa súiensek, elimizde osy teris aǵymnyń 11 shirkeýi turaqty túrde jumys istep keledi. Bas ortalyǵy Almaty qalasynda ornalasqan eken. Al oǵan shamamen 30 myńǵa jýyq otandasymyz múshe bolypty. Tipti, shirkeýdegi pasterleriniń ózi qazaqtardyń arasynan tańda lypty. 
Ǵalamtor betterin ashyp qarsańyz saentologtar jaily aqparattar shash etekten. Tipti, tanymal Gollivýd juldyzdary bul uiymdy qoldaityndaryn ashyq kórsetýde. Osylaisha, halyqaralyq uiym músheleriniń qatary 8 millionǵa jetse, álemniń túkpir-túkipirinde myńǵa jýyq ortalyǵyn kezderstirýge bolady.
«Teris aǵymdardyń belgileriniń biri aqsha suraityn, aqsha beretin bolsa, odan dereý qashý kerek. Teris aǵymnyń negizgi belgileriniń biri osy deýge bolady. Dinniń adam balasyna jasaý qyzmeti, ol adamgershilik qasietin damytý» – deidi «Nur-Astana» meshitiniń bas imamy Asqar Muqanov.
Jalpy adamzatqa psihologiialyq turǵydan yqpal etetin uiymnyń árbir kýrsynyń baǵasy da qomaqty. Máselen, saentologiianyń tabaldyryǵyn alǵash q attaǵandar 32 000 myń teńge tóleidi. Ol oǵan bir jylǵa tegin túrli testiden ótýge, lektsiialardy tyńdaýǵa múmkindik beredi. Mundai dini aǵymǵa kirgenderdiń biri qazaqstandyq Danil Tylevich. Ol 24 jasynda atalmysh top qakirip, shamamen 140 myń dollar aqshasyn jumsapty.
– Olar meniń aqshamdy qaitarmaq túgili, maǵan qarsy is-áreketter jasaýda. Bul uiymnan zardap shegýshiler óte kóp, tek kóbisi sotqa baryp aryzdanbaidy, – deidi teris aǵymnan zardap shekken azamat Danil Tylevich.
Elimizde Danil sekildi saentologiiadan sergeldeńge túskender kóp. Tek sektanyń qursaýynan shyǵa almai keledi. Al Din isteri jáne azamattyq qoǵam ministrligi saentologiianyń tipti dini birlestik retinde tanylmaǵanyn aitady.
– Saentologiia degen dini birlestik tirkelmegen. Óitkeni, bizdiń sarapshylarymyz olardyń kitaptarynan saraptama júrgizý barsynda ol kitaptardyń mazmundarynan dini elementter joq! Onda tek psihologiialyq elementter bar. Sonyń negizinde ony dini birlestik dep tanýdan bas tartty, – QR Din isteri komiteti tóraǵasynyń orynbasary Balǵabek Myrzaev.
Halyqaralyq uiym adamzatqa asa qaýipti ekeni belgili bolsa da, onyń izbasarlary jańbyrdan keiingi sańyraý qulaqtai áli de ósip keledi. Sondyqtanda, dintanýshylar samsaǵan sektalar men sergeldeńde júrgenderden meiilinshe abai bolýǵa shaqyrady.Óitkeni, uiymǵa kirgen kez-kelgen adam bar jiǵan tergeninen, áp-sátte aiyrylyp qalýy múmkin ekenin aitýda.
Gúlnur JAQSYLYQOVA, jýrnalist.
