15 qyrkúiekten bastap Qazaqstan azamattary Tailand aýmaǵynda vizasyz rejim boiynsha burynǵydai 60 kún emes, tek 30 kún ǵana bola alady. Bul týraly Qazaqstannyń Tailandtaǵy elshiligi habarlady, dep habarlaidy dalanews.kz.
Jańa tártipke sáikes, qazaqstandyqtar elde árbir 180 kúndik kezeń ishinde jiyntyq túrde 90 kúnnen artyq tura almaidy.
Osylaisha, Tailandta uzaq ýaqyt demalýdy nemese qystaýdy josparlaǵan azamattarǵa sapar merzimin muqiiat esepteýge týra keledi. Ásirese Phýket pen ózge de týristik óńirlerde birneshe ai bolýdy kózdeitinder úshin jańa talaptardy eskerýdiń mańyzy artady.
Buǵan deiin qazaqstandyqtar Tailandta vizasyz 60 kúnge deiin bola alatyn edi. Endi bul merzim eki ese qysqartylyp otyr.
