Qyzylordada jol qozǵalysy erejelerin óreskel buzǵan úilený toiynyń korteji politsiianyń nazaryna ilikti. Kortejge qatysqan júrgizýshiler qarsy baǵyttaǵy jolaqqa shyǵyp, ózge de quqyq buzýshylyqtarǵa jol bergen, dep habarlaidy dalanews.kz.
Tártip buzýshylar beinebaqylaý kameralarynyń kómegimen anyqtalǵan. Qyzylorda oblystyq politsiia departamentiniń málimetinshe, kortej quramyndaǵy barlyq kólik júrgizýshileri politsiia bólimine jetkizilgen.
Nátijesinde 12 quqyq buzýshyǵa qatysty 33 ákimshilik hattama toltyrylyp, aiyppul salyndy. Sonymen qatar 10 avtokólik arnaiy aiyp turaǵyna qoiylǵan.
Politsiianyń habarlaýynsha, júrgizýshiler qarsy jolaqqa shyǵýmen qatar, qaýipti manevr jasaý, jol-kólik oqiǵasyna sebep bolýy múmkin jaǵdai qalyptastyrý, kólik júrgizý kezinde telefon paidalaný jáne qaýipsizdik beldigin taqpaý sekildi quqyq buzýshylyqtarǵa barǵan.
