30 مىڭعا جۋىق وتانداسىمىزدىڭ تەرىس ءدىني اعىمنىڭ جەتەگىنە ەرىپ، ەلىمىزدە ەمىن-ەركىن جۇرگەنى انىقتالدى. ولاردىڭ 60 پايىزى قارا كوز قازاقتار بولىپ شىقتى. ەلىمىزدەگى ءدىنتانۋشىلار وسىلاي دەپ دابىل قاعۋدا. قازاقستاندا تىيىمسالىنعان حالىقارالىق ۇيىم وكىلدەرىنە سوناۋ اقش-تان ءتۇرلى حاتتار جىبەرىلىپ، بىرنەشە مىندەتتەر جۇكتەلەدى ەكەن. مۇحيت اسىپ كەلگەن سالەمدەمەلەردىڭ ەل تۇرعىندارىنا ءقاۋپى قانداي؟ ءدىني اعىمعا نەلىكتەن توقتاۋ سالىنبايدى؟
ساەنتولوگيا – حالىقارالىق ۇيىمىنا ەلىمىزدە زاڭ جۇزىندە تىيىم سالىنعان. الايدا، ولار ءالى دە جاسىرىن تۇردە جۇمىس ىستەپ كەلەدى. ماسەلەن، جاڭا جىل قارساڭىندا ولار ۇيلەردىڭ مىنداي پوشتاجاشىكتەرىنە ارنايى ادەمى حاتتار قالدىرعان. ءىشىن اشىپ قاراساڭىز، ساەنتولوگيا تۋراسىندا بۇگە-شۇگەسىنە دەيىن جازىلىپتى. ماقساتى دا ايقىن كورسەتىلگەن. ءتىپتى، حاتتىڭ ءوزى سوناۋ اقش-تان، لوس اندجەلەس قالاسىنان جىبەرىلگەن. ال ءسىزدال وسى تەرىس ءدىني اعىمعا ءومىر بويى مۇشە بولعىڭىز كەلسە شامامەن – 625 مىڭ تەڭگە تولەۋىڭىز شارت.
ءومىرىندى وزگەرتەمىز، پوتەنسيالىڭدى اشامىز! بۇل ساەنتولوگتاردىڭ حالىقتى ارباۋ ءۇشىن قولداناتىن نەگىزگى پسيحولوگيالىق قۇرالى. ءقازىر، بۇل اعىمعا 90 جىلدارداعىداي ءۇي-ۇيدى ارالاۋعا، ءدىندى ۋاعىزداۋعا تۇبەگەيلى تىيىم سالىنعان. ءبىراق، ابدەن ماشىقتانعان ۇگىتتەۋشىلەر زاڭدى اينالىپ ءوتۋدىڭ ءتۇرلى تەتىكتەرىن ويلاپ تاپقان دەيدى ءدىنتانۋشى.
– ءقازىر مىناۋ تارالىپ جاتىرعان ساەنتولوگيانى قاراساق، كوپتەگەن ۇيىمنىڭ ماقساتى ادامداردىڭ قارجىسىنا يەلىك ەتۋ عوي. نەگىزىن قالاعان روب حاببەردتىڭ ءوزىنىڭ ايتاتىنى بار، ميللونەر بولعىڭ كەلسە، ءدىن ويلاپ تاپ دەگەن. سوندىقتان ادامداردىڭ پسيحيكاسىنا اسەر ەتۋ ماقساتىندا، اقشانى تابۋدىڭ جولدارىن قاراستىرۋ، – ltql3 ءدىنتانۋشى كەڭشىلىك تىشقان.
ستاتيستيكاعا سۇيەنسەك، ەلىمىزدە وسى تەرىس اعىمنىڭ 11 شىركەۋى تۇراقتى تۇردە جۇمىس ىستەپ كەلەدى. باس ورتالىعى الماتى قالاسىندا ورنالاسقان ەكەن. ال وعان شامامەن 30 مىڭعا جۋىق وتانداسىمىز مۇشە بولىپتى. ءتىپتى، شىركەۋدەگى پاستەرلەرىنىڭ ءوزى قازاقتاردىڭ اراسىنان تاڭدا لىپتى. 
– ءبىزدىڭ ەلىمىزدە تارالىپ جاتقان پروتەستاندىق ءداستۇرلى ەمەس ۇيىمدار، كەيبىر زەرتتەۋشىلەردەن سۇراعانىمدا ۇيىمعا كىرگەندەرىڭ 60 پايىزعا جۋىعى قازاقتار، ياعني قازاقتار دەگەن مالىمەت الدىم. بۇل دەگەن وتە جاعا ۇستاتارلىق ۇرەي. بولاشاقتا ءبىزدىڭ ءدىني تۇتاستىعىمزعا ۇلكەن ءقاۋىپ توندىرۋدە ءتىپتى، پاستورلارقازاقتاردانتاعايىندالىپجاتىر» – دەيدى ءدىنتانۋشى كەڭشىلىك تىشقان.
عالامتور بەتتەرىن اشىپ قارساڭىز ساەنتولوگتار جايلى اقپاراتتار شاش ەتەكتەن. ءتىپتى، تانىمال گولليۆۋد جۇلدىزدارى بۇل ۇيىمدى قولدايتىندارىن اشىق كورسەتۋدە. وسىلايشا، حالىقارالىق ۇيىم مۇشەلەرىنىڭ قاتارى 8 ميلليونعا جەتسە، الەمنىڭ تۇكپىر-تۇكىپىرىندە مىڭعا جۋىق ورتالىعىن كەزدەرستىرۋگە بولادى.
«تەرىس اعىمداردىڭ بەلگىلەرىنىڭ ءبىرى اقشا سۇرايتىن، اقشا بەرەتىن بولسا، ودان دەرەۋ قاشۋ كەرەك. تەرىس اعىمنىڭ نەگىزگى بەلگىلەرىنىڭ ءبىرى وسى دەۋگە بولادى. ءدىننىڭ ادام بالاسىنا جاساۋ قىزمەتى، ول ادامگەرشىلىك قاسيەتىن دامىتۋ» – دەيدى «نۇر-استانا» مەشىتىنىڭ باس يمامى اسقار مۇقانوۆ.
جالپى ادامزاتقا پسيحولوگيالىق تۇرعىدان ىقپال ەتەتىن ۇيىمنىڭ ءاربىر كۋرسىنىڭ باعاسى دا قوماقتى. ماسەلەن، ساەنتولوگيانىڭ تابالدىرىعىن العاش ق اتتاعاندار 32 000 مىڭ تەڭگە تولەيدى. ول وعان ءبىر جىلعا تەگىن ءتۇرلى تەستىدەن وتۋگە، لەكسيالاردى تىڭداۋعا مۇمكىندىك بەرەدى. مۇنداي ءدىني اعىمعا كىرگەندەردىڭ ءبىرى قازاقستاندىق دانيل تىليەۆيچ. ول 24 جاسىندا اتالمىش توپ قاكىرىپ، شامامەن 140 مىڭ دوللار اقشاسىن جۇمساپتى.
– ولار مەنىڭ اقشامدى قايتارماق تۇگىلى، ماعان قارسى ىس-ارەكەتتەر جاساۋدا. بۇل ۇيىمنان زارداپ شەگۋشىلەر وتە كوپ، تەك كوبىسى سوتقا بارىپ ارىزدانبايدى، – دەيدى تەرىس اعىمنان زارداپ شەككەن ازامات دانيل تىليەۆيچ.
ەلىمىزدە دانيل سەكىلدى ساەنتولوگيادان سەرگەلدەڭگە تۇسكەندەر كوپ. تەك سەكتانىڭ قۇرساۋىنان شىعا الماي كەلەدى. ال ءدىن ىستەرى جانە ازاماتتىق قوعام مينيسترلىگى ساەنتولوگيانىڭ ءتىپتى ءدىني بىرلەستىك رەتىندە تانىلماعانىن ايتادى.
– ساەنتولوگيا دەگەن ءدىني بىرلەستىك تىركەلمەگەن. ويتكەنى، ءبىزدىڭ ساراپشىلارىمىز ولاردىڭ كىتاپتارىنان ساراپتاما جۇرگىزۋ بارسىندا ول كىتاپتاردىڭ مازمۇندارىنان ءدىني ەلەمەنتتەر جوق! وندا تەك پسيحولوگيالىق ەلەمەنتتەر بار. سونىڭ نەگىزىندە ونى ءدىني بىرلەستىك دەپ تانۋدان باس تارتتى، – ق ر ءدىن ىستەرى كوميتەتى ءتوراعاسىنىڭ ورىنباسارى بالعابەك مىرزايەۆ.
حالىقارالىق ۇيىم ادامزاتقا اسا ءقاۋىپتى ەكەنى بەلگىلى بولسا دا، ونىڭ ءىزباسارلارى جاڭبىردان كەيىنگى ساڭىراۋ قۇلاقتاي ءالى دە ءوسىپ كەلەدى. سوندىقتاندا، ءدىنتانۋشىلار سامساعان سەكتالار مەن سەرگەلدەڭدە جۇرگەندەردەن مەيىلىنشە اباي بولۋعا شاقىرادى.ويتكەنى، ۇيىمعا كىرگەن كەز-كەلگەن ادام بار جيعان تەرگەنىنەن، اپ-ساتتە ايىرىلىپ قالۋى مۇمكىن ەكەنىن ايتۋدا.
گۇلنۇر جاقسىلىقوۆا، جۋرناليست.
