sdyń 300 jyldyq mereitoiyna turǵyndar aǵash kóshetin otyrǵyzyp, syi jasaidy
Pavlodar qalasynyń mereitoiyna orai «Qalaǵa aǵash syila» aktsiiasy jariialandy. Oblys ortalyǵyn abattandyrý jóninde ótken keńeste biylǵy jyly 300 jyldyǵyn atap ótkeli otyrǵan oblys ortalyǵyna ár turǵynnyń aǵash syilai alatyny jóninde aityldy. Aimaq basshysy Bolat Baqaýov kóshetter qandai alańdarda otyrǵyzylatynyn birden anyqtap alýdy usyndy.
– Birneshe jyldan keiin bul jumys kózge kórinýi úshin qala aýmaǵynda, shaǵyn aýdandar ishinde jasalýy kerek, – dedi ol. – Búginde biz «Saryarqa» shaǵyn aýdanynyń qurylysyn jalǵastyrýdamyz, sony kógaldandyraiyq. Adamdar kóshetterdi qaidan alatynyn bilgeni mańyzdy. Mysaly, úilený kúni saiabaqqa jas jubailar keledi, al olarǵa birden aǵash otyrǵyzýdy usynady. Bul jastar úshin estelik qana emes, qala úshin de paidaly bolmaq.
Atalmysh sharaǵa qatysýǵa tek memlekettik orman tálimbaqtary ǵana emes, jeke menshik ieleri de tartylatyn bolady. Pavlodardan 40 shaqyrym jerde 15 jyl ishinde óz tálimbaǵyn qurǵan ekoqonys iesi Iýrii Gashek te kómek qolyn sozýǵa nietti.
– Biz kóshetterdi tegin berýge daiynbyz, biraq bir shartymyz bar - aǵashtardyń sýarylýy qamtamasyz etilýi tiis, – dedi Iýrii Gashek. – Bizde 2,7 myńǵa jýyq aǵash bar. Biz ár túrli uiymdarmen jumys isteimiz. Ótken jyly, mysaly, biz 150-ge jýyq aǵash kóshetterin otyrǵyzdyq.
Abattandyrý aiasynda 2020 jyly oblys ortalyǵyndaǵy tórt myńǵa jýyq aǵash pen bir myńǵa jýyq butaly qorshaý otyrǵyzý josparlanyp otyr.
Pavlodar oblysy ákiminiń baspasóz qyzmeti
Sýretterdi túsirgen Valerii Býgaev
