– بىرنەشە جىلدان كەيىن بۇل جۇمىس كوزگە كورىنۋى ءۇشىن قالا اۋماعىندا، شاعىن اۋداندار ىشىندە جاسالۋى كەرەك، – دەدى ول. – بۇگىندە ءبىز «سارىارقا» شاعىن اۋدانىنىڭ قۇرىلىسىن جالعاستىرۋدامىز، سونى كوگالداندىرايىق. ادامدار كوشەتتەردى قايدان الاتىنىن بىلگەنى ماڭىزدى. مىسالى، ۇيلەنۋ كۇنى ساياباققا جاس جۇبايلار كەلەدى، ال ولارعا بىردەن اعاش وتىرعىزۋدى ۇسىنادى. بۇل جاستار ءۇشىن ەستەلىك قانا ەمەس، قالا ءۇشىن دە پايدالى بولماق.
اتالمىش شاراعا قاتىسۋعا تەك مەملەكەتتىك ورمان ءتالىمباقتارى عانا ەمەس، جەكە مەنشىك يەلەرى دە تارتىلاتىن بولادى. پاۆلوداردان 40 شاقىرىم جەردە 15 جىل ىشىندە ءوز ءتالىمباعىن قۇرعان ەكوقونىس يەسى يۋريي گاشەك تە كومەك قولىن سوزۋعا نيەتتى.
– ءبىز كوشەتتەردى تەگىن بەرۋگە دايىنبىز، ءبىراق ءبىر شارتىمىز بار - اعاشتاردىڭ سۋارىلۋى قامتاماسىز ەتىلۋى ءتيىس، – دەدى يۋريي گاشەك. – بىزدە 2،7 مىڭعا جۋىق اعاش بار. ءبىز ءار ءتۇرلى ۇيىمدارمەن جۇمىس ىستەيمىز. وتكەن جىلى، مىسالى، ءبىز 150-گە جۋىق اعاش كوشەتتەرىن وتىرعىزدىق.
اباتتاندىرۋ اياسىندا 2020 جىلى وبلىس ورتالىعىنداعى ءتورت مىڭعا جۋىق اعاش پەن ءبىر مىڭعا جۋىق بۇتالى قورشاۋ وتىرعىزۋ جوسپارلانىپ وتىر.
پاۆلودار وبلىسى اكىمىنىڭ باسپا ءسوز قىزمەتى
سۋرەتتەردى تۇسىرگەن ۆالەريي بۋگايەۆ
