Aýdanda bar bolǵany 112 765 gektar jer bar. Onyń tek 89 myń gektary aýylsharýashylyq maqsatyndaǵy jerler. Sonyń bar-joǵy 17-18 myń gektary jaıylymǵa arnalǵan. Sondyqtan saıramdyq sharýalar úı irgesinde bordaqylaý alańdaryn quryp keledi.
Jalpy jaıylym máselesi halqy tyǵyz qonystanǵan Túrkistan oblysyndaǵy ózekti máselelerdiń biri desek bolady. Bir kezderi bul tyǵyryqtan shyǵý úshin Saıramǵa irgeles jatqan aýdandardyń bos jatqan jerlerin
jaıylym jer retinde paıdalaný týraly bastama kóterilgen bolatyn. Búginde kezinde qolǵa alynǵan bastama iske asyp, sharýaǵa paıdasyn tıgizýde. Saıram aýdanynyń basshylary kórshiles jatqan Túlkibas aýdanymen biraz kelissózder júrgizýdi. Sonyń negizinde Qarabulaq aýylynyń halqy qolyndaǵy maldarymyzdy atalǵan aýdannyń jaıylymdaryna jaıý múmkindigine ıe boldy. Biraq bul baǵyttaǵy jumystar zańdy negizde rettelmegen.
Bıyl Saıram aýdany ústimizdegi jyldyń birinshi jarty jyldyǵynda aýdandaǵy barlyq jer telimderine túgendeý jumystaryn júrgizdi. Nátıjesinde aýdandaǵy 2300 gektar jerdiń paıdalanylmaı jatqany anyqtaldy. Olarǵa shara qoldaný úshin oblystyq jer ınspeksıasyna hat joldanǵan. Mundaǵy maqsat tórt túlikti oıdaǵydaı baptaý úshin jaıylym jerler tabý bolyp tabylady.
Dalanews.kz
