سايرامدا جايىلىم مەسەلەسٸ قالاي شەشٸلٸپ جاتىر?
اۋداندا بار بولعانى 112 765 گەكتار جەر بار. ونىڭ تەك 89 مىڭ گەكتارى اۋىلشارۋاشىلىق ماقساتىنداعى جەرلەر. سونىڭ بار-جوعى 17-18 مىڭ گەكتارى جايىلىمعا ارنالعان. سوندىقتان سايرامدىق شارۋالار ٷي ٸرگەسٸندە بورداقىلاۋ الاڭدارىن قۇرىپ كەلەدٸ.
جالپى جايىلىم مەسەلەسٸ حالقى تىعىز قونىستانعان تٷركٸستان وبلىسىنداعى ٶزەكتٸ مەسەلەلەردٸڭ بٸرٸ دەسەك بولادى. بٸر كەزدەرٸ بۇل تىعىرىقتان شىعۋ ٷشٸن سايرامعا ٸرگەلەس جاتقان اۋدانداردىڭ بوس جاتقان جەرلەرٸن
جايىلىم جەر رەتٸندە پايدالانۋ تۋرالى باستاما كٶتەرٸلگەن بولاتىن. بٷگٸندە كەزٸندە قولعا الىنعان باستاما ٸسكە اسىپ, شارۋاعا پايداسىن تيگٸزۋدە. سايرام اۋدانىنىڭ باسشىلارى كٶرشٸلەس جاتقان تٷلكٸباس اۋدانىمەن بٸراز كەلٸسسٶزدەر جٷرگٸزۋدٸ. سونىڭ نەگٸزٸندە قارابۇلاق اۋىلىنىڭ حالقى قولىنداعى مالدارىمىزدى اتالعان اۋداننىڭ جايىلىمدارىنا جايۋ مٷمكٸندٸگٸنە يە بولدى. بٸراق بۇل باعىتتاعى جۇمىستار زاڭدى نەگٸزدە رەتتەلمەگەن.
بيىل سايرام اۋدانى ٷستٸمٸزدەگٸ جىلدىڭ بٸرٸنشٸ جارتى جىلدىعىندا اۋدانداعى بارلىق جەر تەلٸمدەرٸنە تٷگەندەۋ جۇمىستارىن جٷرگٸزدٸ. نەتيجەسٸندە اۋدانداعى 2300 گەكتار جەردٸڭ پايدالانىلماي جاتقانى انىقتالدى. ولارعا شارا قولدانۋ ٷشٸن وبلىستىق جەر ينسپەكتسيياسىنا حات جولدانعان. مۇنداعى ماقسات تٶرت تٷلٸكتٸ ويداعىداي باپتاۋ ٷشٸن جايىلىم جەرلەر تابۋ بولىپ تابىلادى.
Dalanews.kz
