Osy oraıda Túrkistan óńirine Batys Qazaqstan oblysynan arnaıy kelgen delegattar Saıram aýdanyndaǵy birqatar sharýashylyqtardyń jumysymen tanysyp shyqty.
Qonaqtardyń alǵashqy aıaldaǵan nysany Qarabulaq aýylyndaǵy jańadan boı kótergen mal bazary boldy. Atalǵan nysan 2 myńnan 5 myń basqa deıin tórt túlikti qabyldaýǵa qaýqarly. Jylqyǵa, qara malǵa, ýaq malǵa arnalǵan orynjaılar qarastyrylǵan.
Kelýshiler úshin ashana, avtoturaq jaılary da ornalastyrylǵan. Qonaqtar sondaı-aq birneshe usaq sharýashylyqtyń basyn qosqan «Et Agro» qojalyǵynyń jumysymen de tanysty. Bul qojalyqtyń óz mal soıý beketi men bordaqylaý alańshasy bar. Jem-shóp saqtaıtyn qoımasy da ornyqqan.
Elimizdiń batysynan kelgen qonaqtar «Qaıyp ata» JSHS-nyń mal soıý beketine de at basyn tiredi. Atalǵan beket búginde Iran, Reseı, Ózbekstan elderimen tyǵyz baılanys ornatqan. Mal soıý qurylǵylary da zaman talabyna saı.
Sapar aıasynda eki óńirdiń ókilderi birlesken jobalardy júzege asyratyn bolyp ýaǵdalasty.
