ءوڭىرارالىق ارىپتەستىكتىڭ پايداسى مول. وسىنىڭ ناتيجەسىندە ايماقتار ءوزارا تاجىريە الماسىپ، ەكونوميكالىق باعىتتاعى بىرلەسكە جوبالاردى جۇزەگە اسىرۋعا مۇمكىندىك الادى. 

وسى ورايدا تۇركىستان وڭىرىنە باتىس قازاقستان وبلىسىنان ارنايى كەلگەن دەلەگاتتار سايرام اۋدانىنداعى ءبىرقاتار شارۋاشىلىقتاردىڭ جۇمىسىمەن تانىسىپ شىقتى.

قوناقتاردىڭ العاشقى ايالداعان نىسانى قارابۇلاق اۋىلىنداعى جاڭادان بوي كوتەرگەن مال بازارى بولدى. اتالعان نىسان 2 مىڭنان 5 مىڭ باسقا دەيىن ءتورت تۇلىكتى قابىلداۋعا قاۋقارلى. جىلقىعا، قارا مالعا، ۋاق مالعا ارنالعان ورىنجايلار قاراستىرىلعان.

كەلۋشىلەر ءۇشىن اسحانا، اۆتوتۇراق جايلارى دا ورنالاستىرىلعان. قوناقتار سونداي-اق بىرنەشە ۇساق شارۋاشىلىقتىڭ باسىن قوسقان «ەت اگرو» قوجالىعىنىڭ جۇمىسىمەن دە تانىستى. بۇل قوجالىقتىڭ ءوز مال سويۋ بەكەتى مەن بورداقىلاۋ الاڭشاسى بار. جەم-شوپ ساقتايتىن قويماسى دا ورنىققان.

ەلىمىزدىڭ باتىسىنان كەلگەن قوناقتار «قايىپ اتا» جشس-نىڭ مال سويۋ بەكەتىنە دە ات باسىن تىرەدى. اتالعان بەكەت بۇگىندە يران، رەسەي، وزبەكستان ەلدەرىمەن تىعىز بايلانىس ورناتقان. مال سويۋ قۇرىلعىلارى دا زامان تالابىنا ساي.

ساپار اياسىندا ەكى ءوڭىردىڭ وكىلدەرى بىرلەسكەن جوبالاردى جۇزەگە اسىراتىن بولىپ ۋاعدالاستى.