Otyrysqa QR Parlamenti Májilisiniń depýtattary, saiasattanýshylar, qoǵam qairatkerleri men QQDI sarapshylary qatysty.
Eksperttik klýbtyń qatysýshylary Memleket basshysy Qasym-Jomart Toqaevtyń «Jańa Qazaqstan: jańarý men jańǵyrý joly» atty Qazaqstan halqyna Joldaýynda bastamashylyq etken «Ulttyq quryltai» jańa qoǵamdyq institýtynyń iske asyrylýyn talqylady. Atap aitqanda, qazirgi zamandaǵy Ulttyq quryltaidyń negizgi aspektileri qarastyryldy.
Jiyn barsynda sóz alǵan «AMANAT» partiiasy depýtattyq fraktsiiasynyń múshesi Saiasat Nurbek elimizde jańa saiasi mádenietti qalyptastyrýda «Ulttyq quryltai» qurýdyń mańyzdylyǵyn atap ótti:
– Qanshalyqty saiasi júie qoǵamnyń ishinde júrgen túrli áleýmettik toptardyń únin esti alady, ekinshi sol shyqqan aqparattardy qanshalyqty súzgiden ótkizbei durys túsine alady. Ókinishke orai, bizde joǵaryǵa jibergen aqparat birneshe satydan ótkennen keiin sheshim qabyldaýshy negizgi oryndarǵa, tulǵalarǵa tolyq jetpeidi, ne durys jetpeidi.
Osy eki faktor boiynsha birinshiden saiasi júieniń sezgishtigin joǵaltyp aldyq, ekinshi saiasi júieniń tepe-teńdigin joǵaltyp aldyq. Jáne halyqpen tikelei bailanysty álsirettik. Ulttyq keńes óz rólin atqardy, bizdiń negizgi fýnktsiiamyz – Prezidentimizge túrli áleýmettik toptardyń únin taza túrde eshqandai filtrsiz jetkizý boldy.
Sol jetken aqparattarǵa, halyqtyń kókeiinde júrgen suraqtarǵa kerekti jaýap qaitarý, ol da úlken mindet edi. Ulttyq quryltai qoǵamdyq baqylaýdyń institýtsionaldy alańy. Ol búkil biz qurǵan qoǵamdyq keńester, qoǵamdyq alańdardy biriktiretin halyq pen biliktiń arasyndaǵy bailanystyń quraly, – dep oiyn ortaǵa saldy.
