وتىرىسقا قر پارلامەنتٸ مەجٸلٸسٸنٸڭ دەپۋتاتتارى, ساياساتتانۋشىلار, قوعام قايراتكەرلەرٸ مەن ققدي ساراپشىلارى قاتىستى.
ەكسپەرتتٸك كلۋبتىڭ قاتىسۋشىلارى مەملەكەت باسشىسى قاسىم-جومارت توقاەۆتىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىندا باستاماشىلىق ەتكەن «ۇلتتىق قۇرىلتاي» جاڭا قوعامدىق ينستيتۋتىنىڭ ٸسكە اسىرىلۋىن تالقىلادى. اتاپ ايتقاندا, قازٸرگٸ زامانداعى ۇلتتىق قۇرىلتايدىڭ نەگٸزگٸ اسپەكتٸلەرٸ قاراستىرىلدى.
جيىن بارسىندا سٶز العان «AMANAT» پارتيياسى دەپۋتاتتىق فراكتسيياسىنىڭ مٷشەسٸ ساياسات نۇربەك ەلٸمٸزدە جاڭا ساياسي مەدەنيەتتٸ قالىپتاستىرۋدا «ۇلتتىق قۇرىلتاي» قۇرۋدىڭ ماڭىزدىلىعىن اتاپ ٶتتٸ:
– قانشالىقتى ساياسي جٷيە قوعامنىڭ ٸشٸندە جٷرگەن تٷرلٸ ەلەۋمەتتٸك توپتاردىڭ ٷنٸن ەستي الادى, ەكٸنشٸ سول شىققان اقپاراتتاردى قانشالىقتى سٷزگٸدەن ٶتكٸزبەي دۇرىس تٷسٸنە الادى. ٶكٸنٸشكە وراي, بٸزدە جوعارىعا جٸبەرگەن اقپارات بٸرنەشە ساتىدان ٶتكەننەن كەيٸن شەشٸم قابىلداۋشى نەگٸزگٸ ورىندارعا, تۇلعالارعا تولىق جەتپەيدٸ, نە دۇرىس جەتپەيدٸ.
وسى ەكٸ فاكتور بويىنشا بٸرٸنشٸدەن ساياسي جٷيەنٸڭ سەزگٸشتٸگٸن جوعالتىپ الدىق, ەكٸنشٸ ساياسي جٷيەنٸڭ تەپە-تەڭدٸگٸن جوعالتىپ الدىق. جەنە حالىقپەن تٸكەلەي بايلانىستى ەلسٸرەتتٸك. ۇلتتىق كەڭەس ٶز رٶلٸن اتقاردى, بٸزدٸڭ نەگٸزگٸ فۋنكتسييامىز – پرەزيدەنتٸمٸزگە تٷرلٸ ەلەۋمەتتٸك توپتاردىڭ ٷنٸن تازا تٷردە ەشقانداي فيلترسٸز جەتكٸزۋ بولدى.
سول جەتكەن اقپاراتتارعا, حالىقتىڭ كٶكەيٸندە جٷرگەن سۇراقتارعا كەرەكتٸ جاۋاپ قايتارۋ, ول دا ٷلكەن مٸندەت ەدٸ. ۇلتتىق قۇرىلتاي قوعامدىق باقىلاۋدىڭ ينستيتۋتسيونالدى الاڭى. ول بٷكٸل بٸز قۇرعان قوعامدىق كەڭەستەر, قوعامدىق الاڭداردى بٸرٸكتٸرەتٸن حالىق پەن بيلٸكتٸڭ اراسىنداعى بايلانىستىڭ قۇرالى, – دەپ ويىن ورتاعا سالدى.
