Memleket basshysynyń «Ádiletti Qazaqstannyń ekonomikalyq baǵdary» atty Qazaqstan halqyna arnaǵan Joldaýynda «Sýdy únemdeitin ozyq tehnologiiany engizý isin tezdetip, ony qoldaný aýmaǵyn jyl saiyn 150 myń gektarǵa deiin keńeitý» tapsyrmasy aiasynda Saýran aýdany aýmaǵynda sýarmaly alqaptarǵa sý únemdeý tehnologiialaryn engizý boiynsha jumystar qarqyndy atqarylýda, dep habarlaidy Dalanews.kz
Atap aitqanda, Saýran aýdany boiynsha qazirgi tańda 1119 gektar jerge sý únemdeý tehnologiialary ornatylǵan. Onyń ishinde, tamshylatyp sýarý boiynsha – 165 gektar, jańbyrlatyp sýarýmen – 994 gektar aýmaqqa engizilgen.
Tamshylatyp sýarý ádisi arqyly JK «Datqa» sharýashylyǵy qytailyq kompaniiamen 7 jylǵa kelisim-shart jasasyp, biylǵy jyly 133 gektar jerge maqta daqylyn egip, jyl sońyna deiin 360 tonna ónim alý josparlanýda. Al, «Aqsaq keriz» sharýa qojalyǵy 25 gektar jerge baqsha daqyldaryn egip, 875 tonna qarbyz alý kózdelýde. Sondai-aq, «Ótegen» sharýa qojalyǵy 7 gektarǵa tamshylatyp sýarý ádisi arqyly alma baýyn egip, jylyna 37 tonna ónim alýdy josparlap otyr.
Jańbyrlatyp sýarý boiynsha – 994 gektar jerge mal azyqtyq daqyldary egilgen. Jyl sońyna deiin 5000 tonna mal azyǵyn alý josparlanyp otyr. Qazirgi tańda elimizdegi sharýalarǵa sý únemdeitin júielerdi satyp alý jáne ornatý úshin beriletin sýbsidiia mólsheri 30%-ǵa kóbeiip, sharýalarǵa beriletin qoldaý 80%-ǵa deiin jetti.
Bul zamanaýi sýarý júielerin satyp alý, sondai-aq barlyq qajetti infraqurylymdy qamtamasyz etý shyǵyndaryn óteýge kómektesedi. Sonymen qatar, agroqurylymdar 1941 gektar jerge jańbyrlatyp sýarý tehnologiiasyn ornatý boiynsha «BNK IRRIGATION» JShS men «Yrys» MQU kelisim-shartqa qol jetkizgen. Jyl sońyna deiin agroqurylymdarda sý únemdeý tehnologiialary ornatylatyn bolady.
