مەملەكەت باسشىسىنىڭ «ەدٸلەتتٸ قازاقستاننىڭ ەكونوميكالىق باعدارى» اتتى قازاقستان حالقىنا ارناعان جولداۋىندا «سۋدى ٷنەمدەيتٸن وزىق تەحنولوگييانى ەنگٸزۋ ٸسٸن تەزدەتٸپ, ونى قولدانۋ اۋماعىن جىل سايىن 150 مىڭ گەكتارعا دەيٸن كەڭەيتۋ» تاپسىرماسى اياسىندا ساۋران اۋدانى اۋماعىندا سۋارمالى القاپتارعا سۋ ٷنەمدەۋ تەحنولوگييالارىن ەنگٸزۋ بويىنشا جۇمىستار قارقىندى اتقارىلۋدا, دەپ حابارلايدى Dalanews.kz
اتاپ ايتقاندا, ساۋران اۋدانى بويىنشا قازٸرگٸ تاڭدا 1119 گەكتار جەرگە سۋ ٷنەمدەۋ تەحنولوگييالارى ورناتىلعان. ونىڭ ٸشٸندە, تامشىلاتىپ سۋارۋ بويىنشا – 165 گەكتار, جاڭبىرلاتىپ سۋارۋمەن – 994 گەكتار اۋماققا ەنگٸزٸلگەن.
تامشىلاتىپ سۋارۋ ەدٸسٸ ارقىلى جك «داتقا» شارۋاشىلىعى قىتايلىق كومپانييامەن 7 جىلعا كەلٸسٸم-شارت جاساسىپ, بيىلعى جىلى 133 گەكتار جەرگە ماقتا داقىلىن ەگٸپ, جىل سوڭىنا دەيٸن 360 توننا ٶنٸم الۋ جوسپارلانۋدا. ال, «اقساق كەرٸز» شارۋا قوجالىعى 25 گەكتار جەرگە باقشا داقىلدارىن ەگٸپ, 875 توننا قاربىز الۋ كٶزدەلۋدە. سونداي-اق, «ٶتەگەن» شارۋا قوجالىعى 7 گەكتارعا تامشىلاتىپ سۋارۋ ەدٸسٸ ارقىلى الما باۋىن ەگٸپ, جىلىنا 37 توننا ٶنٸم الۋدى جوسپارلاپ وتىر.
جاڭبىرلاتىپ سۋارۋ بويىنشا – 994 گەكتار جەرگە مال ازىقتىق داقىلدارى ەگٸلگەن. جىل سوڭىنا دەيٸن 5000 توننا مال ازىعىن الۋ جوسپارلانىپ وتىر. قازٸرگٸ تاڭدا ەلٸمٸزدەگٸ شارۋالارعا سۋ ٷنەمدەيتٸن جٷيەلەردٸ ساتىپ الۋ جەنە ورناتۋ ٷشٸن بەرٸلەتٸن سۋبسيدييا مٶلشەرٸ 30%-عا كٶبەيٸپ, شارۋالارعا بەرٸلەتٸن قولداۋ 80%-عا دەيٸن جەتتٸ.
بۇل زاماناۋي سۋارۋ جٷيەلەرٸن ساتىپ الۋ, سونداي-اق بارلىق قاجەتتٸ ينفراقۇرىلىمدى قامتاماسىز ەتۋ شىعىندارىن ٶتەۋگە كٶمەكتەسەدٸ. سونىمەن قاتار, اگروقۇرىلىمدار 1941 گەكتار جەرگە جاڭبىرلاتىپ سۋارۋ تەحنولوگيياسىن ورناتۋ بويىنشا «BNK IRRIGATION» جشس مەن «ىرىس» مقۇ كەلٸسٸم-شارتقا قول جەتكٸزگەن. جىل سوڭىنا دەيٸن اگروقۇرىلىمداردا سۋ ٷنەمدەۋ تەحنولوگييالارى ورناتىلاتىن بولادى.
