Almatyda ótken qoǵamdyq tyńdaýda «Almaty Superski» jobasynyń ekonomikalyq jáne týristik áleýetine qatysty jańa derekter jariialandy. Joba aiasynda Almaty taý klasterin aýqymdy damytý josparlanyp otyr, dep habarlaidy dalanews.kz.
Tanystyrylymda kórsetilgen málimetke sáikes, 2025–2029 jyldarǵa arnalǵan keshendi jospar bekitilgen. Qujat 7 negizgi baǵyt pen 73 is-sharany qamtidy.
Joba aiasynda Almaty taý klasterinde 30 aspaly jol men jalpy uzyndyǵy 161 shaqyrym bolatyn shańǵy trassalary salynbaq. Sonymen qatar 30 qonaqúi men glemping aimaǵyn ashý josparlanǵan.
Josparda «Medeý – Shymbulaq» taý aýyly, sondai-aq «Tau Hub» jáne «Prosveshenets» atty eki vizit-ortalyq salý qarastyrylǵan.
Joba avtorlarynyń boljamynsha, 2029 jylǵa qarai Almatynyń taý týrizmine keletin sheteldik týrister sany 1,7 million adamǵa jetýi múmkin. Týrizm salasyndaǵy jumyspen qamtý kólemi 102 myń adamǵa deiin ósedi dep kútilip otyr.
Sondai-aq jobaǵa 239 milliard teńge kóleminde jeke investitsiia tartý jáne jyl saiyn 117 milliard teńge salyq túsimin qamtamasyz etý josparlanǵan.
Tyńdaýda taý týrizminiń ekonomikalyq tiimdiligine de erekshe toqtaldy. Usynylǵan derekke sáikes, taý shańǵysy infraqurylymyna salynǵan árbir 1 dollar kýrort ekonomikasyna 5 dollar, al jalpy týrizm ekonomikasyna 15 dollar kóleminde áser beredi.
Sonymen birge taý týrizmindegi bir týristiń táýliktik shyǵyny shamamen 300 dollar dep baǵalanǵan. Bul jaǵajai týrizmindegi ortasha shyǵynnan birneshe ese joǵary ekeni aityldy.
Joba aiasynda halyqaralyq sporttyq jáne iskerlik is-sharalardy ótkizý de josparlanǵan. Atap aitqanda, taý sporty boiynsha halyqaralyq jarystar, festivalder, kinofestivalder men halyqaralyq týristik forýmdar uiymdastyrý kózdelip otyr.
Joba ázirleýshileri bul bastama Almatyny Ortalyq Aziiadaǵy iri taý týrizmi ortalyqtarynyń birine ainaldyrýǵa múmkindik beredi dep esepteidi.
