"Qazaqstanda temirjol jelisiniń tozýy 57% -dy quraidy. Tar ýchaskelerdi jóndep, keńeitý jumystaryna shamamen 1 trln teńge jumsalady". Osyndai eseppen kóp aldyna shyqqan sheneýnikterden jýrnalister "Qazaqstan temirjoly qaita jańǵyrtý jumystaryna BJZQ-dan taǵy aqsha alady ma" degen suraqty tótesinen qoiyp kórdi, dep habarlaidy Dalanews.kz.
QTJ basshysy Talǵat Aldybergenov ózderinde BJZQ aqshasyn paidalaný oilarynda joq ekenin aityp, bul maqsattar úshin sheteldik bankterden sýbsidiialanǵan nesieler tartylyp jatqanyn jetkizdi.
Al kompaniianyń eks-basshysy, qazirgi Kólik ministri Nurlan Saýranbaev ony aqparat alańynda birazdan beri "júzip júrgen úirek (jańsaq pikir qalyptastyrý úshin qasaqana sybys taratý)" dep atady.
"Biraq onyń siraǵy qai jaqtan qyltiyp shyǵyp turǵanyn biletin sekildimiz. "Shar-Óskemen" degen jeke joba bar, menińshe, osy baǵytta memleket-jekemenshik áriptestigi boiynsha jeke kompaniia BJZQ men Qazaqstannyń investitsiialyq qorynyń aqshasyn tartqan. Bul - óz jobasyna aqsha alǵan jeke kompaniia. QTJ aqshasynda tikelei BJZQ-dan tartylǵan aqsha joq. Biz zeinetaqy aqshasyn tikelei almaimyz", - dedi Saýranbaev.
Buǵan deiin BJZQ defoltqa jol bergen kompaniia qundy qaǵazdary boiynsha 2,5 mlrd teńge tólemdi óndirip alǵanyn jazǵanbyz.
