"قازاقستاندا تەمٸرجول جەلٸسٸنٸڭ توزۋى 57% -دى قۇرايدى. تار ۋچاسكەلەردٸ جٶندەپ, كەڭەيتۋ جۇمىستارىنا شامامەن 1 ترلن تەڭگە جۇمسالادى". وسىنداي ەسەپپەن كٶپ الدىنا شىققان شەنەۋنٸكتەردەن جۋرناليستەر "قازاقستان تەمٸرجولى قايتا جاڭعىرتۋ جۇمىستارىنا بجزق-دان تاعى اقشا الادى ما" دەگەن سۇراقتى تٶتەسٸنەن قويىپ كٶردٸ, دەپ حابارلايدى Dalanews.kz.
قتج باسشىسى تالعات الدىبەرگەنوۆ ٶزدەرٸندە بجزق اقشاسىن پايدالانۋ ويلارىندا جوق ەكەنٸن ايتىپ, بۇل ماقساتتار ٷشٸن شەتەلدٸك بانكتەردەن سۋبسيدييالانعان نەسيەلەر تارتىلىپ جاتقانىن جەتكٸزدٸ.
ال كومپانييانىڭ ەكس-باسشىسى, قازٸرگٸ كٶلٸك مينيسترٸ نۇرلان ساۋرانباەۆ ونى اقپارات الاڭىندا بٸرازدان بەرٸ "جٷزٸپ جٷرگەن ٷيرەك (جاڭساق پٸكٸر قالىپتاستىرۋ ٷشٸن قاساقانا سىبىس تاراتۋ)" دەپ اتادى.
"بٸراق ونىڭ سيراعى قاي جاقتان قىلتيىپ شىعىپ تۇرعانىن بٸلەتٸن سەكٸلدٸمٸز. "شار-ٶسكەمەن" دەگەن جەكە جوبا بار, مەنٸڭشە, وسى باعىتتا مەملەكەت-جەكەمەنشٸك ەرٸپتەستٸگٸ بويىنشا جەكە كومپانييا بجزق مەن قازاقستاننىڭ ينۆەستيتسييالىق قورىنىڭ اقشاسىن تارتقان. بۇل - ٶز جوباسىنا اقشا العان جەكە كومپانييا. قتج اقشاسىندا تٸكەلەي بجزق-دان تارتىلعان اقشا جوق. بٸز زەينەتاقى اقشاسىن تٸكەلەي المايمىز", - دەدٸ ساۋرانباەۆ.
بۇعان دەيٸن بجزق دەفولتقا جول بەرگەن كومپانييا قۇندى قاعازدارى بويىنشا 2,5 ملرد تەڭگە تٶلەمدٸ ٶندٸرٸپ العانىن جازعانبىز.
