Almatyda satiralyq pablik avtory Temirlan Ensebekti kólik qaǵyp ketti. Oqiǵa byltyr 27 qazanda bolǵan, dep habarlaidy Dalanews.kz.
“Málimetke sáikes, elektrosamokatpen kele jatqan Eńsebekti Toyota Highlander markaly krossover qaǵyp ketken. Alaida júrgizýshi oqiǵaǵa mán bermesten, toqtamai ketip qalǵan. Keiin Temirlan jol-kólik oqiǵasynyń beinejazbasyn taýyp, politsiiaǵa júgingen”, - deidi “Za nami ýje vyehali” telegram arnasy.
Derekkóz málimetinshe, politsiia júrgizýshige jaiaý júrginshige jol bermegeni úshin shamamen 20 myń teńge kóleminde aiyppul salǵan.
Alǵashynda is Ákimshilik quqyq buzýshylyq týraly kodekstiń 610-baby (jol-kólik oqiǵasyna ákep soqqan jol erejesin buzý) jáne 611-baby (jol-kólik oqiǵasy ornyn tastap ketý) boiynsha tirkelgen.
Alaida sot-meditsinalyq saraptama nátijesinde Eńsebektiń densaýlyǵyna eshqandai jaraqat kelmegeni anyqtalǵan. Osyǵan bailanysty atalǵan baptar boiynsha quqyq buzýshylyq quramy joq dep tanylyp, is toqtatylǵan.
Sonymen birge politsiia qyzmetkerleri júrgizýshiniń áreketinen basqa quqyq buzýshylyq belgilerin anyqtaǵan. Atap aitqanda, oǵan jol qozǵalysyna qatysýshylarǵa basymdyq bermeý baby boiynsha aiyppul salynǵan.
Osylaisha jýrnalisti kólik qaǵyp ketken oqiǵa tek jol qozǵalysy kezindegi basymdyqty buzǵany úshin salynǵan aiyppulmen aiaqtalǵan. Degenmen júrgizýshi bul sheshimmen kelispei, aiyppuldy daýlaýǵa tyrysyp jatyr.
Aita keteiik, Temirlan Eńsebek - Qaznews24 atty satiralyq jobanyń avtory. Buǵan deiin ol resei-ýkrain soǵysyna qatysty satiralyq jariialanymdary úshin qylmystyq jaýapkershilikke tartylyp, sot sheshimimen bostandyǵyn shekteý jazasyn alǵan. Sonymen qatar oǵan internette belgili bir qyzmet túrlerimen ainalysýǵa tyiym salynǵan.
