Antikor "Qairat Satybaldynyń 650 milliard teńgege baǵalanatyn aktivteri qaitaryldy" dep málimdegen. Qazirgi baǵammen bul 1,4 milliard dollar.
Biraq osynshama bailyǵy bar Qairat Satybaldy nege Forbstyń bailar tiziminde bolǵan joq? Sońǵy ret Satybaldy bul tizimde 2018 jyly kórindi jáne sol kezde onyń dáýleti 163 million dollarǵa ǵana baǵalandy.
"Qairat Satybaldy 2018 jyly Forbes ielerine óte túsinikti eskertý jasady. Satybaldy eskertýiniń nemen aiaqtalatynyn "Saýat Myńbaev tragediiasynan" bárimiz kórdik. Reiting jasaýshylar Satybaldyny ashýlandyrǵysy kelmedi. Onyń talaby birden oryndaldy", - deidi, DALA INSIDE derekkózi.
Osydan Forbs tizimine shynymen dáýletti, biraq ony jariia qylǵysy kelmeitin azamattardyń ilinbeitinin ańǵarýǵa bolady. Sondyqtan ony obektivti tizim dep qarastyrýdyń qajeti joq. Barlyq aqparat jariia bolǵanda, bul tizimde biz aty-jónin eshqashan estimegen belgisiz tulǵalar da paida bolar edi.
Satybaldyǵa kelsek, qaitarylǵan 1,4 milliard dollar onyń barlyq aktivteri emes. Kezindegi úzeńgiles azamattarǵa da biraz nárse jazylyp qoiǵan. Jáne Satybaldy jazasyn ótep shyqqannan keiin olar boiynsha dividendter talap etetini túsinikti.
Qairat Satybaldy isi aiasynda Qylmystyq kodekstiń 218-baby 3-bóligi («Qylmystyq jolmen alynǵan kirister jáne zańsyz aqshadan túsken paidany jylystatý») boiynsha sotqa deiingi tergeý aiaqtaldy. Biraq endi taǵy bir bap qozǵalyp otyr. Ol salyqtan jaltardy degen kúdikke ilingen.
DALA INSIDE málimetinshe "Jańa Qazaqstan" Qairat Satybaldynyń sotyn biylǵy naýryzdan qaldyrmai bastap ketýge nietti. Negizgi tergeý jumystary aiaqtaldy. Qazir Prokýratýra men Sot arasynda ishki konsýltatsiialar júrýde.
