انتيكور "قايرات ساتىبالدىنىڭ 650 ميلليارد تەڭگەگە باعالاناتىن اكتيۆتەرى قايتارىلدى" دەپ مالىمدەگەن. قازىرگى باعاممەن بۇل 1،4 ميلليارد دوللار.
ءبىراق وسىنشاما بايلىعى بار قايرات ساتىبالدى نەگە فوربستىڭ بايلار تىزىمىندە بولعان جوق؟ سوڭعى رەت ساتىبالدى بۇل تىزىمدە 2018 جىلى كورىندى جانە سول كەزدە ونىڭ داۋلەتى 163 ميلليون دوللارعا عانا باعالاندى.
"قايرات ساتىبالدى 2018 جىلى Forbes يەلەرىنە وتە تۇسىنىكتى ەسكەرتۋ جاسادى. ساتىبالدى ەسكەرتۋىنىڭ نەمەن اياقتالاتىنىن "ساۋات مىڭبايەۆ تراگەدياسىنان" ءبارىمىز كوردىك. رەيتينگ جاساۋشىلار ساتىبالدىنى اشۋلاندىرعىسى كەلمەدى. ونىڭ تالابى بىردەن ورىندالدى"، - دەيدى، DALA INSIDE دەرەككوزى.
وسىدان فوربس تىزىمىنە شىنىمەن داۋلەتتى، ءبىراق ونى جاريا قىلعىسى كەلمەيتىن ازاماتتاردىڭ ىلىنبەيتىنىن اڭعارۋعا بولادى. سوندىقتان ونى وبەكتيۆتى ءتىزىم دەپ قاراستىرۋدىڭ قاجەتى جوق. بارلىق اقپارات جاريا بولعاندا، بۇل تىزىمدە ءبىز ءاتى-جونىن ەشقاشان ەستىمەگەن بەلگىسىز تۇلعالار دا پايدا بولار ەدى.
ساتىبالدىعا كەلسەك، قايتارىلعان 1،4 ميلليارد دوللار ونىڭ بارلىق اكتيۆتەرى ەمەس. كەزىندەگى ۇزەڭگىلەس ازاماتتارعا دا ءبىراز نارسە جازىلىپ قويعان. جانە ساتىبالدى جازاسىن وتەپ شىققاننان كەيىن ولار بويىنشا ديۆيدەندتەر تالاپ ەتەتىنى تۇسىنىكتى.
قايرات ساتىبالدى ءىسى اياسىندا قىلمىستىق كودەكستىڭ 218-بابى 3-بولىگى («قىلمىستىق جولمەن الىنعان كىرىستەر جانە زاڭسىز اقشادان تۇسكەن پايدانى جىلىستاتۋ») بويىنشا سوتقا دەيىنگى تەرگەۋ اياقتالدى. ءبىراق ەندى تاعى ءبىر باپ قوزعالىپ وتىر. ول سالىقتان جالتاردى دەگەن كۇدىككە ىلىنگەن.
DALA INSIDE مالىمەتىنشە "جاڭا قازاقستان" قايرات ساتىبالدىنىڭ سوتىن بيىلعى ناۋرىزدان قالدىرماي باستاپ كەتۋگە نيەتتى. نەگىزگى تەرگەۋ جۇمىستارى اياقتالدى. ءقازىر پروكۋراتۋرا مەن سوت اراسىندا ىشكى كونسۋلتاسيالار جۇرۋدە.
