Nurlan Ábdirahym Almaty qalasy ákiminiń orynbasary bolyp taǵaiyndaldy. Ol bul qyzmette Ásem Núsipovany almastyrdy, dep habarlaidy Dalanews.kz.
Buǵan deiin Nurlan Ábdirahym Almaty oblysy ákiminiń birinshi orynbasary qyzmetin atqarǵan. Alaida qala ákimdigi onyń jańa qyzmetke taǵaiyndalǵany týraly resmi habarlama jariialaǵan joq.
Ol buǵan deiin Ásem Núsipovaǵa qaraǵan salalardy qadaǵalaidy: áleýmettik baǵyt, bilim berý, halyqty jumyspen qamtý jáne densaýlyq saqtaý.
Nurlan Ábdirahym týraly ne belgili?
Nurlan Ábdirahym 1980 jyly dúniege kelgen. "Qainar" ýniversitetin jáne QR Prezidenti janyndaǵy Memlekettik basqarý akademiiasynyń Ulttyq memlekettik saiasat mektebin támamdaǵan. Bilimi boiynsha – zańger, sondai-aq, "saiasattaný" mamandyǵy boiynsha áleýmettik ǵylymdar magistri.
Eńbek jolyn 2001 jyly "Astanaenergoservis" AQ abonenttik ýchaskesinde baqylaýshy bolyp bastaǵan. Keiin QR Ádilet ministrliginde qyzmet atqaryp, jetekshi mamannan departament direktory jáne ziiatkerlik menshik komitetiniń tóraǵasyna deiingi qyzmet satylarynan ótken.
Sonymen qatar, Prezident ákimshiliginde memlekettik inspektor jáne bólim meńgerýshisiniń orynbasary bolǵan. 2023 jylǵy sáýirden bastap Almaty oblysy ákiminiń birinshi orynbasary qyzmetin atqardy.
