Allur kompaniialar tobynyń quramyna kiretin Kia brendi Almatyda jańa Kia Seltos modelin tanystyrdy. Is-sharada kóliktiń dizainy, zamanaýi tehnologiialary, jailylyǵy men júrgizý múmkindikteri kórsetildi, dep habarlaidy dalanews.kz.
3 qarashada Almatyda jańa Kia Seltos modeliniń tusaýkeseri ótti. Is-sharada kóliktiń jańa býyny biznes ókilderine, BAQ qyzmetkerleri men qoǵamdyq pikir kóshbasshylaryna resmi túrde tanystyryldy.
Is-shara barysynda jańa Kia Seltos modeliniń basty erekshelikteri tórt baǵyt boiynsha tanystyryldy. Arnaiy bezendirilgen aimaqtarda kóliktiń dizainy, tehnologiialyq múmkindikteri, salonynyń jailylyǵy jáne júrgizý kezindegi áseri kórsetildi.
Tusaýkeserdiń negizgi ideiasy osy qasietterdiń barlyǵyn bir avtokólikte toǵystyrý boldy. Jańa Kia Seltos júrgizýshige tartymdy dizain, zamanaýi tehnologiia, jailylyq jáne kólik júrgizýden alatyn áserdiń birin tańdaýdyń qajeti joq ekenin kórsetedi. Óitkeni atalǵan qasietterdiń barlyǵy bir modelde úilesim tapqan.
Tórt álem. Bir avtokólik
Stil álemi Kia Seltos modeliniń dizainy men daralyǵyna arnaldy. Tehnologiialar keńistiginde qonaqtar avtokóliktiń zamanaýi tsifrlyq sheshimderimen tanysty. Jailylyq áleminde kólik salony men eronomikasynyń erekshelikteri kórsetilse, Lázzat álemi kólik júrgizý kezindegi áser men emotsiiaǵa arnaldy.
Keshtiń sharyqtaý sheginde tórt taqyryptyq álem bir keńistikke biriktirildi. Bul tusaýkeserdiń basty ideiasyn aiqyndai tústi: stil, tehnologiia, jailylyq jáne kólik júrgizýden alatyn lázzat múlde jańa Kia Seltos modelinde birtutas úilesim tapqan.
Bi qoiylymynan keiin avtokóliktiń resmi tanystyrylymy ótti.
Mýzykalyq baǵdarlama da is-sharanyń mańyzdy bóligine ainaldy. Qonaqtar aldynda Niia, Lili jáne Dilbara óner kórsetti. Kesh boiy qonaqtarǵa Evgenii Chebatkov daýysymen jolserik boldy.
Resmi bólim aiaqtalǵannan keiin qonaqtar avtokóliktiń dizainymen, salonymen jáne tehnologiialyq múmkindikterimen jaqynyraq tanysty.
Jańa Kia Seltos modeli
Kia Seltos modeliniń jańa býyny zamanaýi dizaindy, jańartylǵan intererdi jáne júrgizýshi men jolaýshylardyń jailylyǵyn arttyrýǵa baǵyttalǵan keń aýqymdy tehnologiialyq sheshimderdi úilestiredi.
Intererdiń basty erekshelikteriniń biri — zamanaýi tsifrlyq sheshimderdi biriktiretin ári avtokóliktiń negizgi fýnktsiialaryn yńǵaily basqarýǵa múmkindik beretin 27 diýimdik panoramalyq displei.
Kóliktiń tehnologiialyq múmkindikteri arasynda symsyz Apple CarPlay júiesin qoldaý jáne Spotify, YouTube, TikTok sekildi kiriktirilgen qosymshalar bar. Avtokólik interfeisi qazaq tilinde de qoljetimdi.
Júrgizýshi men jolaýshylardyń jailylyǵyna erekshe nazar aýdarylǵan. Jinaqtamasy men jabdyqtar paketine qarai Kia Seltos panoramalyq shatyrmen jáne proektsiialyq displeimen jabdyqtalady.
Qazaqstan naryǵyna arnalǵan múlde jańa Kia Seltos qýaty 150 jáne 200 at kúshine teń 1,5 T-GDI benzin qozǵaltqyshtarymen usynylady. Olar 8 satyly avtomatty berilis qorabymen úilesedi. Jinaqtamasyna qarai aldyńǵy nemese tolyq jetek qoljetimdi.
Avtokólik Qazaqstanda shyǵarylady.
Baǵasy men qoljetimdiligi
Múlde jańa Kia Seltos modeliniń baǵasy jinaqtamasyna qarai 10 990 000 teńgeden 15 490 000 teńgege deiin bolady.
Almatyda ótken tusaýkeser Kia Seltos modeliniń jańa býynymen jáne onyń negizgi tujyrymdamasymen keńinen tanysýǵa múmkindik berdi. Zamanaýi avtokóliktiń tórt mańyzdy qasieti — stil, tehnologiia, jailylyq jáne kólik júrgizýden alatyn lázzat bir modelde úilesim tapqan. Endi olardyń birin tańdaýdyń qajeti joq.
