Halyqaralyq ǵylymi yntymaqtastyq ǵylymnyń damýyna ǵana emes, jas zertteýshilerdiń kásibi qalyptasýyna da jol ashatyn mańyzdy múmkindik. Osyndai igi bastamalardyń biri retinde Sátbaev ýniversitetiniń professory Azat Seithan NAWA akademiialyq almasý baǵdarlamasy aiasynda professor Ewa Skwarektiń shaqyrýymen Polshanyń Liýblin qalasyndaǵy Maria Curie-Skłodowska University (UMCS) ýniversitetinde ǵylymi saparmen boldy, dep habarlaidy dalanews.kz.
Ǵylymi sapar barysynda professor Azat Seithan UMCS ýniversitetiniń professorlyq-oqytýshylyq quramyna, jas ǵalymdary men zertteýshilerine Sátbaev ýniversitetinde júzege asyrylyp jatqan ǵylymi jobalar, sońǵy ǵylymi jetistikter jáne bolashaǵy zor zertteý baǵyttary jóninde arnaiy dárister oqydy. Kezdesýler ǵylymi pikir almasýǵa, jańa ideialardy talqylaýǵa jáne eki ýniversitet arasyndaǵy halyqaralyq yntymaqtastyqty jańa deńgeige kóterýge múmkindik berdi.
Sapardyń mańyzdy nátijeleriniń biri professor Ewa Skwarekpen kóp jyldan beri qalyptasqan ǵylymi áriptestikti odan ári nyǵaitý boldy. Qazirgi tańda qos ǵalym radionýklidtermen lastanǵan sýlardy tazartýǵa arnalǵan tiimdi sorbtsiialyq materialdardy ázirleý baǵytynda birlesken zertteýler júrgizip keledi. Bul ǵylymi yntymaqtastyq óz jemisin berip, biyl bedeldi Separation and Purification Technology jáne International Journal of Molecular Sciences (IJMS) halyqaralyq ǵylymi jýrnaldarynda birlesken maqalalar jariialandy.
Halyqaralyq ǵylymi bailanystardyń taǵy bir mańyzdy qyry jas zertteýshilerdi qoldaý. Professor Ewa Skwarek Sátbaev ýniversitetiniń doktoranty Laýra Seimýhanovanyń sheteldik ǵylymi keńesshisi retinde jas ǵalymnyń ǵylymi áleýetin damytýǵa óz úlesin qosyp keledi. Mundai áriptestik bilim alýshylar men jas zertteýshilerge álemdik ǵylymi ortada tájiribe jinaqtap, halyqaralyq deńgeidegi zertteýlerge qatysýǵa jol ashady.
Sapar aiasynda professor Azat Seithan UMCS ýniversitetiniń stýdenttik máseleler jáne bilim sapasy jónindegi prorektory, professor Dorota Kołodyńskamen kezdesti. Kezdesý barysynda eki ýniversitet arasyndaǵy ǵylymi jáne akademiialyq yntymaqtastyqty keńeitý, birlesken bilim berý baǵdarlamalary men halyqaralyq ǵylymi jobalardy damytý máseleleri talqylandy.
Sonymen qatar UMCS Himiia ǵylymdary institýtynyń direktory professor Małgorzata Grabarczyk, direktordyń orynbasary professor Katarzyna Szymczyk jáne Himiia fakýltetiniń dekany professor Konrad Terpiłowskimen ótken kezdesýler de nátijeli boldy. Taraptar perspektivaly ǵylymi baǵyttardy aiqyndap, birlesken zertteýlerdi keńeitý jáne institýtsionaldyq seriktestikti odan ári damytý jóninde pikir almasty.
Ǵylymi sapar barysynda professorlar Beata Podkościelna jáne Andrzej Puszkamen birge polimerler himiiasy zerthanalarynyń ǵylymi infraqurylymy men zamanaýi zertteý jumystary tanystyryldy. Kezdesý barysynda jańa fýnktsionaldyq materialdardy ázirleý jáne olardy ekologiialyq tehnologiialarda qoldaný baǵytyndaǵy bolashaq ǵylymi jobalardyń múmkindikteri qarastyryldy.
Professor Azat Seithan sapar barysynda kórsetilgen joǵary deńgeidegi uiymdastyrý jumystary, ashyq ǵylymi dialog pen tájiribe almasýǵa qosqan úlesteri úshin professorlar Małgorzata Wiśniewska, Łukasz Szajnecki, Przemysław Paczkowski, Weronika Sofińska jáne Monika Wawrzkiewiczke alǵysyn bildirdi.
Búginde ǵylym ulttyq shekaramen shektelmeidi. Halyqaralyq seriktestik jańa ideialardyń dúniege kelýine, birlesken jańalyqtardyń ashylýyna jáne álemdik deńgeidegi ǵylymi jetistikterge bastaidy. Osyndai ǵylymi saparlar Sátbaev ýniversitetiniń halyqaralyq ǵylymi keńistiktegi bedelin arttyryp qana qoimai, jas ǵalymdar men bilim alýshylarǵa úlken múmkindikterge jol ashady. Álemniń jetekshi ýniversitetterimen áriptestik ornatý, halyqaralyq jobalarǵa qatysý jáne bedeldi ǵylymi basylymdarda zertteý nátijelerin jariialaý búgingi jas zertteýshiler úshin qoljetimdi maqsat ekeniniń jarqyn dáleli.
Sapar qorytyndysynda professor Azat Seithan professor Ewa Skwarekke jáne Maria Curie-Skłodowska University ujymyna jyly qabyldaýy, joǵary deńgeidegi uiymdastyrýy jáne nátijeli ǵylymi yntymaqtastyǵy úshin shynaiy rizashylyǵyn bildirdi.
Aldaǵy ýaqytta Sátbaev ýniversiteti men UMCS ýniversiteti arasyndaǵy ǵylymi jáne akademiialyq yntymaqtastyqty odan ári keńeitý, birlesken halyqaralyq jobalardy iske asyrý, ǵylymi taǵylymdamalar uiymdastyrý jáne perspektivaly zertteý baǵyttary boiynsha jańa bastamalardy júzege asyrý josparlanyp otyr. Bul áriptestik ǵylymnyń damýyna ǵana emes, jańa býyn jas ǵalymdardyń qalyptasýyna da mańyzdy serpin beretini sózsiz.
