حالىقارالىق عىلىمي ىنتىماقتاستىق عىلىمنىڭ دامۋىنا عانا ەمەس, جاس زەرتتەۋشٸلەردٸڭ كەسٸبي قالىپتاسۋىنا دا جول اشاتىن ماڭىزدى مٷمكٸندٸك. وسىنداي يگٸ باستامالاردىڭ بٸرٸ رەتٸندە سەتباەۆ ۋنيۆەرسيتەتٸنٸڭ پروفەسسورى ازات سەيتحان NAWA اكادەمييالىق الماسۋ باعدارلاماسى اياسىندا پروفەسسور Ewa Skwarekتٸڭ شاقىرۋىمەن پولشانىڭ ليۋبلين قالاسىنداعى Maria Curie-Skłodowska University (UMCS) ۋنيۆەرسيتەتٸندە عىلىمي ساپارمەن بولدى, دەپ حابارلايدى dalanews.kz.
عىلىمي ساپار بارىسىندا پروفەسسور ازات سەيتحان UMCS ۋنيۆەرسيتەتٸنٸڭ پروفەسسورلىق-وقىتۋشىلىق قۇرامىنا, جاس عالىمدارى مەن زەرتتەۋشٸلەرٸنە سەتباەۆ ۋنيۆەرسيتەتٸندە جٷزەگە اسىرىلىپ جاتقان عىلىمي جوبالار, سوڭعى عىلىمي جەتٸستٸكتەر جەنە بولاشاعى زور زەرتتەۋ باعىتتارى جٶنٸندە ارنايى دەرٸستەر وقىدى. كەزدەسۋلەر عىلىمي پٸكٸر الماسۋعا, جاڭا يدەيالاردى تالقىلاۋعا جەنە ەكٸ ۋنيۆەرسيتەت اراسىنداعى حالىقارالىق ىنتىماقتاستىقتى جاڭا دەڭگەيگە كٶتەرۋگە مٷمكٸندٸك بەردٸ.
ساپاردىڭ ماڭىزدى نەتيجەلەرٸنٸڭ بٸرٸ پروفەسسور Ewa Skwarekپەن كٶپ جىلدان بەرٸ قالىپتاسقان عىلىمي ەرٸپتەستٸكتٸ ودان ەرٸ نىعايتۋ بولدى. قازٸرگٸ تاڭدا قوس عالىم راديونۋكليدتەرمەن لاستانعان سۋلاردى تازارتۋعا ارنالعان تيٸمدٸ سوربتسييالىق ماتەريالداردى ەزٸرلەۋ باعىتىندا بٸرلەسكەن زەرتتەۋلەر جٷرگٸزٸپ كەلەدٸ. بۇل عىلىمي ىنتىماقتاستىق ٶز جەمٸسٸن بەرٸپ, بيىل بەدەلدٸ Separation and Purification Technology جەنە International Journal of Molecular Sciences (IJMS) حالىقارالىق عىلىمي جۋرنالدارىندا بٸرلەسكەن ماقالالار جارييالاندى.
حالىقارالىق عىلىمي بايلانىستاردىڭ تاعى بٸر ماڭىزدى قىرى جاس زەرتتەۋشٸلەردٸ قولداۋ. پروفەسسور Ewa Skwarek سەتباەۆ ۋنيۆەرسيتەتٸنٸڭ دوكتورانتى لاۋرا سەيمۋحانوۆانىڭ شەتەلدٸك عىلىمي كەڭەسشٸسٸ رەتٸندە جاس عالىمنىڭ عىلىمي ەلەۋەتٸن دامىتۋعا ٶز ٷلەسٸن قوسىپ كەلەدٸ. مۇنداي ەرٸپتەستٸك بٸلٸم الۋشىلار مەن جاس زەرتتەۋشٸلەرگە ەلەمدٸك عىلىمي ورتادا تەجٸريبە جيناقتاپ, حالىقارالىق دەڭگەيدەگٸ زەرتتەۋلەرگە قاتىسۋعا جول اشادى.
ساپار اياسىندا پروفەسسور ازات سەيتحان UMCS ۋنيۆەرسيتەتٸنٸڭ ستۋدەنتتٸك مەسەلەلەر جەنە بٸلٸم ساپاسى جٶنٸندەگٸ پرورەكتورى, پروفەسسور Dorota Kołodyńskaمەن كەزدەستٸ. كەزدەسۋ بارىسىندا ەكٸ ۋنيۆەرسيتەت اراسىنداعى عىلىمي جەنە اكادەمييالىق ىنتىماقتاستىقتى كەڭەيتۋ, بٸرلەسكەن بٸلٸم بەرۋ باعدارلامالارى مەن حالىقارالىق عىلىمي جوبالاردى دامىتۋ مەسەلەلەرٸ تالقىلاندى.
سونىمەن قاتار UMCS حيمييا عىلىمدارى ينستيتۋتىنىڭ ديرەكتورى پروفەسسور Małgorzata Grabarczyk, ديرەكتوردىڭ ورىنباسارى پروفەسسور Katarzyna Szymczyk جەنە حيمييا فاكۋلتەتٸنٸڭ دەكانى پروفەسسور Konrad Terpiłowskiمەن ٶتكەن كەزدەسۋلەر دە نەتيجەلٸ بولدى. تاراپتار پەرسپەكتيۆالى عىلىمي باعىتتاردى ايقىنداپ, بٸرلەسكەن زەرتتەۋلەردٸ كەڭەيتۋ جەنە ينستيتۋتسيونالدىق سەرٸكتەستٸكتٸ ودان ەرٸ دامىتۋ جٶنٸندە پٸكٸر الماستى.
عىلىمي ساپار بارىسىندا پروفەسسورلار Beata Podkościelna جەنە Andrzej Puszkaمەن بٸرگە پوليمەرلەر حيميياسى زەرتحانالارىنىڭ عىلىمي ينفراقۇرىلىمى مەن زاماناۋي زەرتتەۋ جۇمىستارى تانىستىرىلدى. كەزدەسۋ بارىسىندا جاڭا فۋنكتسيونالدىق ماتەريالداردى ەزٸرلەۋ جەنە ولاردى ەكولوگييالىق تەحنولوگييالاردا قولدانۋ باعىتىنداعى بولاشاق عىلىمي جوبالاردىڭ مٷمكٸندٸكتەرٸ قاراستىرىلدى.
پروفەسسور ازات سەيتحان ساپار بارىسىندا كٶرسەتٸلگەن جوعارى دەڭگەيدەگٸ ۇيىمداستىرۋ جۇمىستارى, اشىق عىلىمي ديالوگ پەن تەجٸريبە الماسۋعا قوسقان ٷلەستەرٸ ٷشٸن پروفەسسورلار Małgorzata Wiśniewska, Łukasz Szajnecki, Przemysław Paczkowski, Weronika Sofińska جەنە Monika Wawrzkiewiczكە العىسىن بٸلدٸردٸ.
بٷگٸندە عىلىم ۇلتتىق شەكارامەن شەكتەلمەيدٸ. حالىقارالىق سەرٸكتەستٸك جاڭا يدەيالاردىڭ دٷنيەگە كەلۋٸنە, بٸرلەسكەن جاڭالىقتاردىڭ اشىلۋىنا جەنە ەلەمدٸك دەڭگەيدەگٸ عىلىمي جەتٸستٸكتەرگە باستايدى. وسىنداي عىلىمي ساپارلار سەتباەۆ ۋنيۆەرسيتەتٸنٸڭ حالىقارالىق عىلىمي كەڭٸستٸكتەگٸ بەدەلٸن ارتتىرىپ قانا قويماي, جاس عالىمدار مەن بٸلٸم الۋشىلارعا ٷلكەن مٷمكٸندٸكتەرگە جول اشادى. ەلەمنٸڭ جەتەكشٸ ۋنيۆەرسيتەتتەرٸمەن ەرٸپتەستٸك ورناتۋ, حالىقارالىق جوبالارعا قاتىسۋ جەنە بەدەلدٸ عىلىمي باسىلىمداردا زەرتتەۋ نەتيجەلەرٸن جارييالاۋ بٷگٸنگٸ جاس زەرتتەۋشٸلەر ٷشٸن قولجەتٸمدٸ ماقسات ەكەنٸنٸڭ جارقىن دەلەلٸ.
ساپار قورىتىندىسىندا پروفەسسور ازات سەيتحان پروفەسسور Ewa Skwarekكە جەنە Maria Curie-Skłodowska University ۇجىمىنا جىلى قابىلداۋى, جوعارى دەڭگەيدەگٸ ۇيىمداستىرۋى جەنە نەتيجەلٸ عىلىمي ىنتىماقتاستىعى ٷشٸن شىنايى ريزاشىلىعىن بٸلدٸردٸ.
الداعى ۋاقىتتا سەتباەۆ ۋنيۆەرسيتەتٸ مەن UMCS ۋنيۆەرسيتەتٸ اراسىنداعى عىلىمي جەنە اكادەمييالىق ىنتىماقتاستىقتى ودان ەرٸ كەڭەيتۋ, بٸرلەسكەن حالىقارالىق جوبالاردى ٸسكە اسىرۋ, عىلىمي تاعىلىمدامالار ۇيىمداستىرۋ جەنە پەرسپەكتيۆالى زەرتتەۋ باعىتتارى بويىنشا جاڭا باستامالاردى جٷزەگە اسىرۋ جوسپارلانىپ وتىر. بۇل ەرٸپتەستٸك عىلىمنىڭ دامۋىنا عانا ەمەس, جاڭا بۋىن جاس عالىمداردىڭ قالىپتاسۋىنا دا ماڭىزدى سەرپٸن بەرەتٸنٸ سٶزسٸز.
