2016 jyly Tasaryq aýyldyq okrýgindegi tastaq jerdi tehnikanyń kúshimen igerip, júzimbaq ekken jeke kásipker Sabyrjan Tanabaev aýdanda úlken kólemde sarymsaq egýdi birinshi bolyp qolǵa aldy.
"Bastapqyda 10 gektarǵa jańa tehnologiiamen júzim ekken sharýa ótken jyly qosymsha on gektar jerge 16 myń túp kóshet otyrǵyzyp, byltyrǵy jyly alǵashqy jemisin jinap aldy. Eńbegine qoldaý tapqan jeke kásipker júzim alqabynyń ár gektaryna memleket tarapynan 750 myń teńgeden sýbsidiia aldy", – dep jazady bul týraly aýdan ákiminiń baspasóz qyzmeti jazady.
Al, biyl sharýa Tólebi aýdanynyń Tasaryq aýyldyq okrýgindegi 10 gektar eski alma baýynyń orynyna tyń ádispen sarymsaq egýdi qolǵa aldy. Ol atalǵan jerdiń 2 gektaryna jabaiy sarymsaqtyń uryǵyn otyrǵyzyp, jańasha ádispen qoldan mádenilendirýde. Osynyń nátijesinde gektarynan on tonna ónim alyp, endigi jerde shetelge shyǵarýdy kózdep otyr.
Aita keteiik, ótken jyly aýdandaǵy 10,7 gektar úiirgelik jerden 178 tonna sarymsaq jinalǵan bolatyn. Bul Tólebi aýdany turǵyndarynyń sońǵy jyldary aýyl sharýashylyǵy salasyna den qoiyp jatqanyn ańǵartady. Oǵan sebep – memlekettik qoldaý sharalary.
