2016 جىلى تاسارىق اۋىلدىق وكرۋگىندەگى تاستاق جەردى تەحنيكانىڭ كۇشىمەن يگەرىپ، ءجۇزىمباق ەككەن جەكە كاسىپكەر سابىرجان تانابايەۆ اۋداندا ۇلكەن كولەمدە سارىمساق ەگۋدى ءبىرىنشى بولىپ قولعا الدى.
"باستاپقىدا 10 گەكتارعا جاڭا تەحنولوگيامەن ءجۇزىم ەككەن شارۋا وتكەن جىلى قوسىمشا ون گەكتار جەرگە 16 مىڭ ءتۇپ كوشەت وتىرعىزىپ، بىلتىرعى جىلى العاشقى جەمىسىن جيناپ الدى. ەڭبەگىنە قولداۋ تاپقان جەكە كاسىپكەر ءجۇزىم القابىنىڭ ءار گەكتارىنا مەملەكەت تاراپىنان 750 مىڭ تەڭگەدەن سۋبسيديا الدى"، – دەپ جازادى بۇل تۋرالى اۋدان اكىمىنىڭ باسپا ءسوز قىزمەتى جازادى.
ال، بيىل شارۋا تولەبي اۋدانىنىڭ تاسارىق اۋىلدىق وكرۋگىندەگى 10 گەكتار ەسكى الما باۋىنىڭ ورىنىنا تىڭ ادىسپەن سارىمساق ەگۋدى قولعا الدى. ول اتالعان جەردىڭ 2 گەكتارىنا جابايى سارىمساقتىڭ ۇرىعىن وتىرعىزىپ، جاڭاشا ادىسپەن قولدان مادەنيلەندىرۋدە. وسىنىڭ ناتيجەسىندە گەكتارىنان ون توننا ءونىم الىپ، ەندىگى جەردە شەتەلگە شىعارۋدى كوزدەپ وتىر.
ايتا كەتەيىك، وتكەن جىلى اۋدانداعى 10،7 گەكتار ۇيىرگەلىك جەردەن 178 توننا سارىمساق جينالعان بولاتىن. بۇل تولەبي اۋدانى تۇرعىندارىنىڭ سوڭعى جىلدارى اۋىل شارۋاشىلىعى سالاسىنا دەن قويىپ جاتقانىن اڭعارتادى. وعان سەبەپ – مەملەكەتتىك قولداۋ شارالارى.
