Saryǵashtyń aýyl sharýashylyǵy áleýeti saralandy
Jiynda aýdandaǵy egistik jer kóleminiń igerilýi, aýyl sharýashylyǵy daqyldaryn statistikalyq málimetke engizý, aýyl sharýashylyǵy daqyldary jáne gektar túsimdiligi, kúzgi jer aidaý men kúzgi egistiń barysy, egistik jerlerdi elektrondy kartaǵa engizý máseleleri talqylandy.
Basqosýǵa Saraǵash aýdanyna qarasty qala, kent jáne aýyldyq okrýgteriniń ákimderi, statistika basqarmasynyń qyzmetkerleri, aýyl sharýashylyǵy mamandary men bólim basshylar qatysqanyn aita ketýimiz kerek.
Aýyl sharýashylyǵy Saryaǵash aýdanynda erekshe damyǵan. Bul rette aýdannyń jyljailary respýblikaǵa tanymal desek artyq aitqandyq bolmas edi. Óitkeni elimizdegi jylyjailardyń 75 paiyzy Túrkistan oblysynda ornalasqan bolsa, onyń ishinde Saryaǵash aýdanyn – Ońtústiktiń jylyjai otany deýge bolady. Olai dep aitýymyzdyń sebebi de bar, óitkeni oblystaǵy jylyjailardyń 50 paiyzy osy aýdanǵa tiesili. Sondyqtan saryaǵashtyq sharýalardyń bul baǵyttaǵy jumysyn el aýmaǵynda jer emgen sharýalarǵa úlgi-ónege retinde kórsetýge bolady.
Osy rette aýdanda jylyjai sharýashylyǵyn damytý boiynsha sheberlik sabaqtary ótip turatynyn da aita ketýimiz kerek. Onda mamandar jabyq topyraqta qyzanaq, qiiar, baqsha ónimderin qalai molynan alýǵa bolatynyn jáne jylyjaidy qalai salýdy, material, tuqym, tyńaitqyshtar tańdaǵanda ne nársege nazar aýdarý qajettigin úiretedi.
Buryndary joǵary tehnologiialar qoldanylǵan jylyjailar shetelde ǵana bolatyn. Al qazir Saryaǵashta da bar. Elbasy Nursultan Nazarbaev Túrkistan oblysynyń diqandaryna búkil Qazaqstandy jemis-jidek pen kókónispen tolyq qamtý jóninde tapsyrma bergeni belgili. Búginde Memleket basshysynyń tapsyrmasymen sharýalarǵa túrli jeńildikter jasalyp jatyr. Nátijesinde buryn shetelden tasymaldanatyn jemister men kókónister ózimizde shyǵarylýda. Sondyqtan osy baǵytta jumysty kúsheitýdiń mańyzy zor.
«Dalanews» aqparat
