جيىندا اۋدانداعى ەگىستىك جەر كولەمىنىڭ يگەرىلۋى، اۋىل شارۋاشىلىعى داقىلدارىن ستاتيستيكالىق مالىمەتكە ەنگىزۋ، اۋىل شارۋاشىلىعى داقىلدارى جانە گەكتار تۇسىمدىلىگى، كۇزگى جەر ايداۋ مەن كۇزگى ەگىستىڭ بارىسى، ەگىستىك جەرلەردى ەلەكتروندى كارتاعا ەنگىزۋ ماسەلەلەرى تالقىلاندى.
باسقوسۋعا ساراعاش اۋدانىنا قاراستى قالا، كەنت جانە اۋىلدىق وكرۋگتەرىنىڭ اكىمدەرى، ستاتيستيكا باسقارماسىنىڭ قىزمەتكەرلەرى، اۋىل شارۋاشىلىعى ماماندارى مەن ءبولىم باسشىلار قاتىسقانىن ايتا كەتۋىمىز كەرەك.
اۋىل شارۋاشىلىعى سارىاعاش اۋدانىندا ەرەكشە دامىعان. بۇل رەتتە اۋداننىڭ جىلجايلارى رەسپۋبليكاعا تانىمال دەسەك ارتىق ايتقاندىق بولماس ەدى. ويتكەنى ەلىمىزدەگى جىلىجايلاردىڭ 75 پايىزى تۇركىستان وبلىسىندا ورنالاسقان بولسا، ونىڭ ىشىندە سارىاعاش اۋدانىن – وڭتۇستىكتىڭ جىلىجاي وتانى دەۋگە بولادى. ولاي دەپ ايتۋىمىزدىڭ سەبەبى دە بار، ويتكەنى وبلىستاعى جىلىجايلاردىڭ 50 پايىزى وسى اۋدانعا تيەسىلى. سوندىقتان سارىاعاشتىق شارۋالاردىڭ بۇل باعىتتاعى جۇمىسىن ەل اۋماعىندا جەر ەمگەن شارۋالارعا ۇلگى-ونەگە رەتىندە كورسەتۋگە بولادى.
وسى رەتتە اۋداندا جىلىجاي شارۋاشىلىعىن دامىتۋ بويىنشا شەبەرلىك ساباقتارى ءوتىپ تۇراتىنىن دا ايتا كەتۋىمىز كەرەك. وندا ماماندار جابىق توپىراقتا قىزاناق، قيار، باقشا ونىمدەرىن قالاي مولىنان الۋعا بولاتىنىن جانە جىلىجايدى قالاي سالۋدى، ماتەريال، تۇقىم، تىڭايتقىشتار تاڭداعاندا نە نارسەگە نازار اۋدارۋ قاجەتتىگىن ۇيرەتەدى.
بۇرىندارى جوعارى تەحنولوگيالار قولدانىلعان جىلىجايلار شەتەلدە عانا بولاتىن. ال ءقازىر سارىاعاشتا دا بار. ەلباسى نۇرسۇلتان نازاربايەۆ تۇركىستان وبلىسىنىڭ ديقاندارىنا بۇكىل قازاقستاندى جەمىس-جيدەك پەن كوكونىسپەن تولىق قامتۋ جونىندە تاپسىرما بەرگەنى بەلگىلى. بۇگىندە مەملەكەت باسشىسىنىڭ تاپسىرماسىمەن شارۋالارعا ءتۇرلى جەڭىلدىكتەر جاسالىپ جاتىر. ناتيجەسىندە بۇرىن شەتەلدەن تاسىمالداناتىن جەمىستەر مەن كوكونىستەر وزىمىزدە شىعارىلۋدا. سوندىقتان وسى باعىتتا جۇمىستى كۇشەيتۋدىڭ ماڭىزى زور.
«Dalanews» اقپارات
