Saryaǵashtyq órender Tuńǵysh Prezident kúnin joǵary deńgeide atap ótti
Is- shara elimizdiń ánuranymen bastaldy. Budan keiin júregi «Men – qazaqpyn» dep soǵatyn kitaphananyń kishkentai oqyrmanymyz Erkebai Muhammedjan tamasha ánin tartý etti.
Keshtiń kórkin ashqan mádeniet úiiniń qyzmetkeri Glafira Bogatova «Týǵan jer» ánimen shashý shashsa, atalmysh mektep oqýshylary Elbasy jaily jyr- shýmaqtary men qazaqtyń ulttyq bii «Jumyr qylysh» biin jáne «Túrikmen» kúiin oryndap kórermenge kóterińki kóńil kúi syilady.
Al Arystanbab kolledjiniń 2 kýrs stýdenti Shorabai Baljan «Elbasyǵa» atty arnaýyn oryndady. Kitaphana qyzmetkeri Sultanov Qurmanǵazy Elbasy týraly óz pikirin bildirip, elimizdiń árbir óskeleń urpaǵyna kóshbasshymyzdyń eren eńbekterin, úlgi bolar qasietterin, eńbekqorlyǵy men ultjandylyǵyn áńgimelep berdi.
Al kitaphana qyzmetkeri Aidana Turǵynbaeva «Eline týǵan er tulǵa» atty kitap kórmesine sholý jasap, Prezidentimiz Nursultan Nazarbaevtyń ómiri men eńbekteri, is-saparlary týraly derekterdi tanystyryp ótti.
Is-sharany kitaphanalardy damytý bóliminiń meńgerýshisi Gúlzaripa Ómirzaqova qorytyndylap, kópshilikti kitaphana ujymy atynan Tuńǵysh Prezident kúnimen quttyqtap, is-sharanyń ótýine belsene atsalysqan Lomonosov mektebiniń ustazy Gúlnara Tańsyqbaeva bastaǵan oqýshylarǵa alǵys bildirdi.
Dalanews.kz
