ءىس- شارا ەلىمىزدىڭ انۇرانىمەن باستالدى. بۇدان كەيىن جۇرەگى «مەن – قازاقپىن» دەپ سوعاتىن كىتاپحانانىڭ كىشكەنتاي وقىرمانىمىز ەركەباي مۇحاممەدجان تاماشا ءانىن تارتۋ ەتتى.
كەشتىڭ كوركىن اشقان مادەنيەت ءۇيىنىڭ قىزمەتكەرى گلافيرا بوگاتوۆا «تۋعان جەر» انىمەن شاشۋ شاشسا، اتالمىش مەكتەپ وقۋشىلارى ەلباسى جايلى جىر- شۋماقتارى مەن قازاقتىڭ ۇلتتىق ءبيى «جۇمىر قىلىش» ءبيىن جانە «تۇرىكمەن» كۇيىن ورىنداپ كورەرمەنگە كوتەرىڭكى كوڭىل كۇي سىيلادى.
ال ارىستانباب كوللەدجىنىڭ 2 كۋرس ستۋدەنتى شوراباي بالجان «ەلباسىعا» اتتى ارناۋىن ورىندادى. كىتاپحانا قىزمەتكەرى سۇلتانوۆ قۇرمانعازى ەلباسى تۋرالى ءوز پىكىرىن ءبىلدىرىپ، ەلىمىزدىڭ ءاربىر وسكەلەڭ ۇرپاعىنا كوشباسشىمىزدىڭ ەرەن ەڭبەكتەرىن، ۇلگى بولار قاسيەتتەرىن، ەڭبەكقورلىعى مەن ۇلتجاندىلىعىن اڭگىمەلەپ بەردى.
ال كىتاپحانا قىزمەتكەرى ايدانا تۇرعىنبايەۆا «ەلىنە تۋعان ەر تۇلعا» اتتى كىتاپ كورمەسىنە شولۋ جاساپ، پرەزيدەنتىمىز نۇرسۇلتان نازاربايەۆتىڭ ءومىرى مەن ەڭبەكتەرى، ءىس-ساپارلارى تۋرالى دەرەكتەردى تانىستىرىپ ءوتتى.
ءىس-شارانى كىتاپحانالاردى دامىتۋ ءبولىمىنىڭ مەڭگەرۋشىسى گۇلزاريپا ءومىرزاقوۆا قورىتىندىلاپ، كوپشىلىكتى كىتاپحانا ۇجىمى اتىنان تۇڭعىش پرەزيدەنت كۇنىمەن قۇتتىقتاپ، ءىس-شارانىڭ وتۋىنە بەلسەنە اتسالىسقان لومونوسوۆ مەكتەبىنىڭ ۇستازى گۇلنارا تاڭسىقبايەۆا باستاعان وقۋشىلارعا العىس ءبىلدىردى.
Dalanews.kz
