Túrkistan oblysyndaǵy Saryaǵash medrese-kolledjinde «Kitapty syiǵa tartý» aktsiiasy ótti. Atalǵan is-sharaǵa Saryaǵash aýdany ákiminiń orynbasary Aldiiar Qozybaev , «FARAB» oblystyq ámbebap kitaphanasynyń bólim meńgerýshisi Dana Tajenova, Oblystyq din isteri basqarmasy basshysy Rústem Sabyrjanuly, Qazaqstan musylmandary dini basqarmasynyń Túrkistan oblysy boiynsha ókili Erjan Tólepov, «Saryaǵash medrese-kolledjiniń» direktory Dinmuhamed Smanov qatysyp, is-sharanyń mańyzdylyǵyna toqtaldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynyń din isteri basqarmasy jáne Mádeniet basqarmasynyń uiymdastyrýymen ótken aktsiia aiasynda Saryaǵash medrese-kolledjine 300-den asa kitap syiǵa berildi. Atap aitsaq, «FARAB» oblystyq kitaphanasynan 100 kitap, Saryaǵash aýdanynyń kitaphanasy atynan 100 kitap, Qazyǵurt jáne Keles aýdanynyń kitaphanalarynan 60 kitap, Maqtaaral jáne Jetisai aýdanynyń kitaphanalarynan 100 kitap, Túrkistan oblysynyń bas imamynyń atynan 3 kitap syiǵa tartyldy.
Aita keteiik, QR Prezidentiniń keńesshisi Málik Otarbaevtyń usynysymen, oblys ákimdiginiń tapsyrmasyna sáikes uiymdastyrylǵan is-shara maqsaty – kitap mártebesin kóterý, jastardy patriotizmge, eńbekti súiýge, jalpyulttyq qundylyqty árbir jastyń boiyna sińirip, bilimdi de mádenietti bolyp tárbielenýine úles qosyp, kitap oqýdy nasihattap, ulttyq aqyn-jazýshylardyń shyǵarmalaryn nasihattaý, kitaphanaǵa oqyrman tartý, kitap qoryn tolyqtyrý.
