Jastardy Hanbıbi Esenqaraqyzy poezıasyna degen súıispenshilikke tárbıeleý, azamattyqqa baǵdarlanǵan dúnıe tanymdary men sana-sezimderin ómirlik aıqyndamalaryn qalyptastyrý maqsatynda dástúrli «Hanbıbi oqýlary» baıqaýy aýdanda birneshe jyldardan beri úzdiksiz ótkizilip keledi. Dástúrli is-sharaǵa aýdan ákiminiń orynbasary S.Tasqulov qatysyp, poezıaǵa qushtar jastardy quttyqtady.
Saryaǵash aýdany Mádenıet jáne tilderdi damytý bóliminiń uıymdastyrýymen bıyl úshinshi ret ótken dástúrli baıqaýǵa bıyl 30 úmitker qatysyp, olardyń arasynan 17 úmitker iriktelipti. Baıqaý sońynda jeńimpazdar marapattalyp alǵys hattar men syılyqtarǵa ıe boldy. Atap keter bolsaq Bas júlde ıegeri Ábil Aıdos, İ oryn Mýsataeva Marjan, İİ oryn Tursynbaı Jańyl, İİİ oryn Saılybaı Aıaýlym dıplomdarmen jáne baǵaly syılyqtarmen marapattaldy.
Baıqaýǵa qatysqan jastardyń arasynda qazaqtyń aıaýly aqyn qyzy sekildi jyr jazyp, kóńilge tunǵan ónermen órnektep júrgen jastarda bar eken. Olar bolashaqta Hanbıbi apalaryndaı aqyn bolyp, el úshin qyzymet etkileri keletinderin jasyrmady.
