بۇگىن سارىاعاش اۋدانىنىڭ اۋداندىق مادەنيەت ۇيىندە جاستار اراسىندا ءحانبيبى ەسەنقارا قىزىنىڭ شىعارماشىلىعىن ناسيحاتتاۋ، شىعارماشىلىق قابىلەتتەرىن، ەستەتيكالىق تالعامدارىن، تۇلعالىق سەزىم مادەنيەتىن دامىتۋ ءۇشىن «ءحانبيبى وقۋلارى» ءوتتى.

جاستاردى ءحانبيبى ەسەنقارا قىزى پوەزياسىنا دەگەن سۇيىسپەنشىلىككە تاربيەلەۋ، ازاماتتىققا باعدارلانعان دۇنيە تانىمدارى مەن سانا-سەزىمدەرىن ومىرلىك ايقىندامالارىن قالىپتاستىرۋ ماقساتىندا ءداستۇرلى «ءحانبيبى وقۋلارى» بايقاۋى اۋداندا بىرنەشە جىلداردان بەرى ۇزدىكسىز وتكىزىلىپ كەلەدى. ءداستۇرلى ءىس-شاراعا اۋدان اكىمىنىڭ ورىنباسارى س.تاسقۇلوۆ قاتىسىپ، پوەزياعا قۇشتار جاستاردى قۇتتىقتادى.

سارىاعاش اۋدانى مادەنيەت جانە تىلدەردى دامىتۋ ءبولىمىنىڭ ۇيىمداستىرۋىمەن بيىل ءۇشىنشى رەت وتكەن ءداستۇرلى بايقاۋعا بيىل 30 ۇمىتكەر قاتىسىپ، ولاردىڭ اراسىنان 17 ۇمىتكەر ىرىكتەلىپتى. بايقاۋ سوڭىندا جەڭىمپازدار ماراپاتتالىپ العىس حاتتار مەن سىيلىقتارعا يە بولدى. اتاپ كەتەر بولساق باس جۇلدە يەگەرى ءابىل ايدوس، ءى ورىن مۋساتايەۆا مارجان، ءىى ورىن تۇرسىنباي جاڭىل، ءىىى ورىن سايلىباي اياۋلىم ديپلومدارمەن جانە باعالى سىيلىقتارمەن ماراپاتتالدى.

بايقاۋعا قاتىسقان جاستاردىڭ اراسىندا قازاقتىڭ اياۋلى اقىن قىزى سەكىلدى جىر جازىپ، كوڭىلگە تۇنعان ونەرمەن ورنەكتەپ جۇرگەن جاستاردا بار ەكەن. ولار بولاشاقتا ءحانبيبى اپالارىنداي اقىن بولىپ، ەل ءۇشىن قىزىمەت ەتكىلەرى كەلەتىندەرىن جاسىرمادى.